محەمەد حەمەکەریم حەمەسادق ناسراو بە حەمەی سۆفی کەریم، ساڵی ١٩٥٥ لە گوندی کانی سێفی بناری چیای سورێنی سەربە ناحیەی خورماڵ لە دایکبووە، گوندنشین بووە و سەرقاڵی کاری جوتیاری بووە، تا قۆناغی سه‌ره‌تایی خوێندوویه‌تی، لە دوای نسکۆی شۆڕشی ئەیلوول ئاوارەی وڵاتی ئێران بووە و لە شاری مەریوان نیشتەجێ بووە، خێزاندار بووە و خێزانی ناوی عەینا حەمەسەعید بووە و خاوەنی چوار کوڕ و سێ کچ بووە بەناوەکانی کازم، مەسعود، یادگار، ئەسعەد، ڕەحمە، ڕێزان، فاتیمە.
ساڵی ١٩٨٦ بۆتە پێشمەرگە لە هێزی سورێنی سەربە لێژنە ناوچەی دەربەندیخانی لقی چواری پارتی دیموکراتی کوردستان، ساڵی ١٩٨٧ فڕۆکەکانی ڕژێمی بەعس سەنگەرەکانی پێشمەرگەیان لە چیای سورێن بۆمباران کردووە و بە هۆیەوە حەمەی سۆفی کەریم لە سەنگەری بەرگریدا چەند پارچە ساچمه‌یه‌كی بەرکەوتووە و بە سەختی بریندار بووە.
بەشداری ڕاپەڕینە جەماوەرییەکەی خەڵکی کوردستان کردووە و هەر لە سەرەتای ڕاپەڕیندا لە دەڤەری شارەزوور، لە ٧ی ئاداری ١٩٩١ لە گرتنەوەی سەربازگەی قاینێجەی نزیک سەیدسادق فیشەکی بەرکەوتووە و شەهید بووە.
سەرچاوە:
ئەرشیفی دەستەی ئینسکلۆپیدیای پارتی دیموکراتی کوردستان
