ژیاننامە
محەمەد تۆفیق عەزیز کەنعان ناسراوە بە حەمە چاو جوان، ساڵی ١٩٥١ لە ناحیەی خورماڵی سەر بە پارێزگای هەڵەبجە لە دایکبووە، دانیشتووی خورماڵ بووە و تا قۆناغی ناوەندی خوێندووە، مەحەمەد تۆفیق عەزیز خێزاندار بووە و خێزانی ناوی شکۆفە سەعید بووە و خاوەنی یەک کچ بووە بەناوی ڕێزان، ساڵی ١٩٧٤ شەهید بووە.
خەباتنامە
شەهید محەمەد تۆفیق، ساڵی ١٩٦٧ بۆتە ئەندامی بەشی سیاسی لە شانەی نهێنی سەر بە ڕێکخراوی خورماڵی لێژنە ناوچەی هەڵەبجەی لقی چواری پارتی دیموکراتی کوردستان، کە لەوکاتەدا سەعەی قالەی خەیات بەرپرسی ڕێکخراو بووە، لە مانگی ١ی ١٩٦٩ بۆتە پێشمەرگە لە لقی ٤ی عوسمانی عەلی چەتوون، کە سەربە بەتالیۆنی ٧ی بیارەی هێزی خەباتی پارتی دیموکراتی کوردستان بووە، کە لەوکاتدا جەمال نامیق فەرماندەی بەتالیۆن بووە.
ساڵی ١٩٦٩ لە ڕووبەڕووبوونەوەی هێرشی به‌كرێگیراوانی ڕژێم (کۆڵوانە سور) بۆ سەر سەنگەری بەرگری عەبابەیلێ بە سەختی بریندار بووە، دوای وەرگرتنی چارەسەر گەڕاوەتەوە خزمەتی شۆڕش و پلەی سەرپەلی وەرگرتووە.
لە ٢٧ی تشرینی دووەمی ١٩٧٤ لە چیای زۆزک، لە ڕووبەڕووبوونەوەی هێرشی سەربازانی ڕژێمی ئەوکاتی عێراق بۆ سەر سەنگەرەکانی پێشمەرگە شەهید بووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
