قادر یونس عەلی بریفکانی بەرنیاس ب (شێخ قادر یونس)، ل ساڵا ١٩٢٦ ل گوندێ بریفکا شێخا ل دەڤەرا مزیریا یا پارێزگەها میسلا بەرێ و دهۆکا نهۆ، ژ بنەمالا شێخ نورەدین بریفکانی کو بنەمالا بەرنیاسا شێخێن وێ دەڤەرێ دهێتە سەر دونیایێ.
ژبەر کاودانێن وەختی دچنە باژێرێ میسل ئاکنجی دبن، خواندنا سەرەتایی و ئامادەیی لە وێرێ ب دوماهی دئینیت، پاشی دچیتە سەربازیا حکومەتا عیراقێ ب ل ساڵا ١٩٤٤- ١٩٤٥، دیسا ل ساڵا ١٩٤٥ دچیتە خولەکا ساخلەمیێ یا سەربازی، دبیتە هاریکارێ نوشداری ل پشکا نەشتەرگەریێ کارێ خو دکەت، ل ساڵا ١٩٤٧ دهێتە ڤەگوهاستن بۆ نەخۆشخانا کەرکووکێ، پاشی دبیتە ئەندامێ حزبا هیوا، ل ساڵا ١٩٦٢ ئاشکرا دبیت و ب هاریکاریا نوشدار ( کەمال خاوەر) و (دایکا سەعید) دگەهینینە چەمێ ڕێزان ل ناڤ شۆڕەشا ئیلونێ ل نەخۆشخانا شۆڕەشێ کار دکەت، پاشی بۆ چەند جهێن دی دهێتە ڤەگوهاستن، پاشی دچیتە هێزا رزگاری و پاش هێزا کاوە، و پاشی دهێتە ڤەگوهاستن بۆ هێزا ئاکرێ کو بەرپرسێ وێ زوبێر ئاغا زێباری بووە، هەتا ساڵا ١٩٧٥ بەردەوام دبیت، ژبەر کار و چالاکیێن وی یێ هەمەرەنگ هەر زۆی بەرچاڤ و خوشەویست دبیت ل ناڤ شۆڕەشێ و کەسەکێ گەلەکێ نزیکێ مستەفا بارزانیێ نەمر بوو، دیسان ئێک بوو ژ مامۆستایێن وانەگوتنێ یێن خولا ئێکی یا برینپێچین ل شوڕەشا ئیلونێ، پاش نسکۆیا شوڕەشا ئیلونێ ئاوارێ وەڵاتێ ئیرانێ دبیت، ل نەخۆشخانا مهاباد و ئوردوگایێ زێوە کار دکەت، ل ساڵا ١٩٧٦ دزڤریتە کوردستان و لە باژێری کەرکووک ئاکنجی دبیت، ل کۆچا ملیۆنیا ساڵا ١٩٩١ دووبارە ئاوارێ وەڵاتی ئیرانێ دبیت، ل سەرهەلدانا ١٩٩١ دزڤریتە کوردستانێ و بەردەوامیێ ددەتە کارێ خۆ، ل ساڵا ١٩٩٨ دچیتە بەر دلوڤانیا خودێێ مەزن و ل دهوکێ دهێتە ڤەشارتن و مالباتا وی ژی هەر ل سەر ڤێ ڕێبازا بارزانیێ نەمر بەردەوامن.
ژێدەر:
١- ئەرشیفا دەستەیا ئینسکلۆپیدیایا پارتی دیموکراتی کوردستان
