ژیاننامە
فایەق مەحمود کاکەوەیس خوادە، لە ساڵی ١٩٥٣ لە گوندی توڵەبی دەڤەری شەمێرانی سەربە قەزای دەربەندیخان لە دایکبووە، گوندنشین بووە و سەرقاڵی کاری جوتیاری بووە، دایکی فایەق مەحمود ناوی کافیە ئەڵاوەیس و براکانی ناویان حەسەن، جەمال، کەمال، سەرکەوت و ئازادە و خوشکەکانی ناویان جەمیلە و حەسیبەیە.
خەباتنامە
فایەق مەحمود لە ساڵی ١٩٦٧ بووە پێشمەرگە لە هێزی شەمێران بە فەرماندەیی حەمە شەمێرانی، کە لەوکاتەدا هێزی شەمێران هێزێکی سەربەخۆ بووە و شەهید حەمە شەمێرانی فەرماندەی بووە و فەرمانی لە سەرکردایەتی شۆڕشەوە وەرگرتووە، هەروەها سنووری چاڵاکی ئەم هێزە لە دەڤەری شەمێران و دەڤەری نەوڕۆڵی بووە زیاتر. بەڵام دوای دروست کردنی پێکهاتەی سەربازی شۆڕشی ئەیلوول لە ساڵی ١٩٦٥ ئەم هێزە هەر وەک هێزێکی سەربەخۆ مایەوە و خرایە سەر هێزی خەباتی پارتی دیموکراتی کوردستان.
فایەق مەحمود بەشداری شەڕی سەرتیز لە دەڤەری بارزان و شەڕی مەیدان و هەڵەبجە و شەڕی بیارە و شەڕەکانی چیای زمناکۆ کردووە، لە بەرواری ٢٥ی حوزەیرانی ١٩٧٤ لە ملەی سوری چیای زمناکۆ لە ڕووبەڕووبوونەوەی سەربازانی ڕژێمی بەعس و شیوعییەکان فیشەکی بەرکەوتووە و شەهید بووە، هاوکات لەگەڵ فایەق مەحمود هاوسەنگەرانی حەمەی دێگوڵە، حەمەی ئەوڕەحمان و عەلی قادر مەلافەتاح شەهید بوونە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
