ژیاننامە
عەزیز محەمەد عەبدولڕەحمان قادر، لە ساڵی ١٩٦٦ لە گوندی توڵەوی دەڤەری شەمێران سەربە قەزای دەربەندیخان لە دایکبووە، ئاستی خوێندەواری سەرەتایی بووە، دایکی عەزیز محەمەد ناوی مینا حەمەئەمین و براکانی ناویان براهیم و حەمەساڵحە و ناوی خوشکەکانی فاتیمە، سەعاد، تەڵایە.
خەباتنامە
عەزیز محەمەد لە ساڵی ١٩٨١ ڕووی کردووە وڵاتی ئێران و بووە پێشمەرگە لە هێزی شەمێران بە فەرماندەیی حەمەئەمین شەمێرانی کە سەربە لقی چواری پارتی دیموکراتی کوردستان بووە و نادر هەورامی بەرپرسی لق بووە.
لە ساڵی ١٩٨٤ هێزێکی جاش هێرش دەکەنە سەر سەنگەرەکانی پێشمەرگە لە چیای سورێن و عەزیز محەمەد شەهید دەبێت، دواتر هاوسەنگەرانی لە گوندی یمامی زامن لە نزیک پارێزگای هەڵەبجە بە خاکی دەسپێرن.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
