عەبدولڕەحمان ڕەسول حاجی خەلیل

عەبدولڕەحمان ڕەسول حاجی خەلیل ناسراو بە ئەبو شڤان، ساڵی ١٩٤٥ لە شارى زاخۆی سەر بە پارێزگاى دهۆک لەدایک بووە، لەسەرەتای ساڵی ١٩٧٠پەیوەندی کردووە بە ڕیزەکانی پارتی دیموکراتی کوردستان، ساڵی ١٩٧٢ کە هێزی شنگار دامەزرێندرا، پەیوەندی بەو هێزەوە کردووە کە مەلا حسێن ماڕەنی فەرماندەی هێز بووە، ساڵی ١٩٧٥ دوای نسکۆی شۆڕشی ئەیلوول چووەتە گوندی بانكێ و لەگەڵ کۆمەڵێک پێشمەرگەی دیکە بڕیاریان داوە کە ئازاد بن لە چوونیان بۆ وڵاتی ئێران یان مانەوە...


عەبدولڕەحمان ڕەسول حاجی خەلیل ناسراو بە  ئەبو شڤان، ساڵی ١٩٤٥ لە شارى زاخۆی سەر بە پارێزگاى دهۆک لەدایک بووە، لەسەرەتای ساڵی ١٩٧٠پەیوەندی کردووە بە ڕیزەکانی پارتی دیموکراتی کوردستان، ساڵی ١٩٧٢ کە هێزی شنگار دامەزرێندرا، پەیوەندی بەو هێزەوە کردووە کە مەلا حسێن ماڕەنی فەرماندەی هێز بووە، ساڵی ١٩٧٥ دوای نسکۆی شۆڕشی ئەیلوول چووەتە گوندی  بانكێ و لەگەڵ کۆمەڵێک پێشمەرگەی دیکە بڕیاریان داوە کە ئازاد بن لە چوونیان بۆ وڵاتی ئێران یان مانەوە، بۆیە عەبدولڕەحمان ڕەسول حاجی خەلیل لەگوندی بانکێ لە سنوورى پارێزگاى دهۆک ماوەتەوە.

ساڵی ١٩٨٢، دوای ئەوەى لەلایەن لێژنەی ناوچەی دهۆک ڕێکخراوی سەربازی ڕەنجبەران دەمەزرێندرا، عەبدولڕەحمان ڕەسول حاجی خەلیل گواستراوەتەوە بۆ ئەو ڕێکخراوە کە عەلی قادۆ جێگری بووە و کراوە بە فەرماندەی مەفرەزەی شەهید دلۆڤان، ئەو مەفەرەزەیە لە دەڤەرەکە مەفرەزەیەکی گەڕۆک بووە و زیانی زۆریان بەدوژمن گەیاندووە.

لە ٣٠ی تشرینی دووەمی١٩٨٣ عەبدولڕەحمان ڕەسول حاجی خەلیل لەگەڵ ١٣ پێشمەرگەی دیکە کە بۆ ئەرکێکی سەربازی دەڕوات بۆ نێو شاری دهۆک و لەگەڵ هونەرمەند حەسەن عەلی خەنجەر و ڕێبەر تەها مەحمود بەرواری لەلایەن ڕژێمی بەعسەوە دەستگیر دەکرێن و دوای شەش مانگ مانەوەیان لە بەندینخانە، بڕیاری زیندانی هەمیشەیی بەسەریاندا دەسەپێنن و ڕەوانەی زیندانی ئەبوغرێب دەکرێن،  بەڵام دوای پێنج (٥) ساڵ مانەوەیان لە زیندان و دوای شاڵاوە بەدناوەکەی ئەنفال و کیمیابارانکردنی ناوچەی بادینان لە ١٤ی ئەیلوولی١٩٨٨ ئازاد دەکرێن، دوای ئازادبوونیان لەزیندان لەگەڵ محەمەد عەلی ئەغمیر، یوسف محەمەد ئەغمیر و ستار خالید بۆ ماوەی ٧ مانگ دەبن بە پێشمەرگە، لەساڵی ١٩٩١ ڕۆڵێکی بەرچاوی هەبووە لە ڕزگارکردنی شاری ئاکرێ و دواتر کراوە بە بەرپرسی لێژنەی ئەمنی زاخۆ و ئەندامی بەرەی کوردستان.

ساڵی ١٩٩٢ کراوە بە فەرماندەی هێزی بەرخودان و دواتر ئەرکی جێگری لێژنەی سەربازی پێدراوە، لەساڵی ١٩٩٧ کراوە بە فەرماندەی هێزی پارتیزانی لە زاخۆ و سێمێڵ لە سنوورى پارێزگاى دهۆک، عەبدولڕەحمان ڕەسول حاجی خەلیل لە ژیانی پێشمەرگایەتی ٦ جار بریندار بووە و ئێستا کەم ئەندامە و قاچی ڕاستی بڕاوەتەوە، لە کۆنگرەی سێزدەیەمی پارتی دیموكراتی كوردستان ساڵی ٢٠١٠ لەلایەن سەرۆک مەسعود بارزانی مەدالیای بارزانی پێ بەخشرا، پلەی لیوای هەیە و ئەندامی دەستەی باڵای زیندانیە سیاسیەکانی کوردستانە.


سەرچاوە:

١.ئەرشیفى دەستەى ئینسکلۆپیدیاى پارتى دیموکراتى کوردستان.


بابەتی پەیوەندیدار

میتۆ ئەحمەد زەینەڵ ستونى

میتۆ ئەحمەد زەینەڵ ستوونى، ساڵى ١٩٢٧ لە گوندى ستونی ناحیەى شێروان مەزن لە قەزاى مێرگەسۆر پارێزگاى هەولێر لەدایک بووە. ساڵى ١٩٦١ پەیوەندى بە هێزى پێشمەرگەى شۆڕشی ئەیلوول کردووە و بۆتە پێشمەرگە، ساڵى ١٩٧٠ دواى بەیاننامەى ١١ى ئادار، لە فەوجى ٤ى هێزى باڵەک، کراوەتە پاسەوانى سنوور. ساڵى ١٩٩٧ ساڵی کۆچى دوایی کردووە.

زانیاری زیاتر

سەعید ئیسماعیل ئەحمەد

سەعید ئیسماعیل ئەحمەد سپینداری، ساڵی ١٩٢١ لە گوندی سپیندار لەدەڤەری بەرواری ژێری سەربە قەزای ئامێدی لەدایک بووە، ساڵی ١٩٥٨ پەیوندی بە ڕیکخستنەکانى پارتی دیموکراتی کوردستان کردووە، ساڵی ١٩٦١ بۆتە پێشمەرگە، ساڵی ١٩٧٩ پەیوەندی بە هێزی پێشمەرگەى شۆڕشی گوڵان کردووە، ساڵی ١٩٩١ گەڕاوەتەوە باشووری کوردستان، ساڵی ١٩٩٧ بۆتە ئەندامی دەزگای ئەیلوول، لە ١٦ی ئابی ١٩٩٦ میدالیای بارزانی پێ بەخشراوە، لە ٣١ی ئایاری ٢٠٠١ کۆچی دوایی کردووە.

زانیاری زیاتر

ڕەمەزان عیسا شەریف

ڕەمەزان عیسا شەریف ناسراو بە (ڕەمەزان عیسا)، ساڵی ١٩٣٥ لە گوندی سێلکێ ناحیەى شێروان مەزن قەزاى مێرگەسۆر پارێزگاى هەولێر لەدایک بووە، ساڵى ١٩٥٩ نایب زابت بووە لە سوپاى عێراق، ساڵی ١٩٦١ پەیوەندى بە ڕێکخستنەکانى پارتى دیموکراتى کوردستان کردووە، ساڵى ١٩٦٢ دواى ئەوەى ئاشکرا بووە، ڕیزەکانى سوپاى جیهێشتووە و پەیوەندی بە هێزی پێشمەرگەى شۆڕشی ئەیلوول کردووە، لە ١٣ی تشرینی یەکەمی ١٩٩٩ میدالیای بارزانی پێ بەخشراوە، لە ١٠ی تەمووزی ٢٠٠٨ کۆچی دوایی کردووە.

زانیاری زیاتر

ڕەسول فەقێ خۆشناو

ڕەسول فەقێ خۆشناو ساڵی ١٩٣٢ لە گوندی( گەڕووتە) لە قەزاى شەقڵاوە پارێزگاى هەولێر لە لەدایک بووە. ساڵی ١٩٥٩ پەیوەندی بە ڕێکخستنەکانى پارتی دیموکراتی کوردستانەوە کردووە، بۆتە ئەندامی لێژنەی ناوچەی شەقڵاوە. ساڵى ١٩٧٩ پەیوەندى بەهێزى پێشمەرگەى شۆڕشی گوڵان کردووە. ساڵی ١٩٩٤ کراوە بە فەرماندەی هێزی کۆڕەک لە پیرمام، دوای دامەزراندنی دەزگای ئەیلول، کراوەتە جێگری بەرپرسی دەزگاکە. لە ١٦ی ئابی ١٩٩٣ میدالیاى بارزانى پێ بەخشراوە.

زانیاری زیاتر

خالید کۆچەر

خالید ڕەشید ئەحمەد ناسراو بە (خالید کۆچەر)، ساڵی ١٩٥٧ لە گوندی گرفیل سەربە قەزای سێمێل لەدایک بووە، ساڵی ١٩٧٢پەیوەندى بە هێزى پێشمەرگەى شۆڕشی ئەیلوول کردووە، ساڵى ١٩٧٦ پەیوەندی بەهێزى پێشمەرگەى شۆڕشی گوڵان کردووەتەوە، ساڵی ١٩٩١ گەڕاوەتەوە بۆ باشووری کوردستان، لە ١٣ی تشرینی یەکەمی ١٩٩٩ میدالیای بارزانی پێ بەخشراوە.

زانیاری زیاتر