ژیاننامە
شەهید عومەر ئیبراهیم کە ناسراوە بە عومەرە گەورە لە ساڵی ١٩٤٦ لە گوندی چلەوێرەی سەر بە ناحیەی دیبەگەی پارێزگای هەولێر لە دایکبووە، دانیشتووی پارێزگای هەولێر بووە و ئاستی خوێندەواری سەرەتایی بووە و پیشەی فەرمانبەر بووە لە فەرمانگەی ئاوبارەی سەر پردی سەیداوەی پارێزگای هەولێر، لە ساڵی ١٩٧٩ ماوەی نۆ مانگ زیندانی سیاسی بووە لە گرتووخانەی ئەبوغرێب، عومەر ئیبراهیم خێزاندار بووە و خێزانی ناوی کیشخان عەلیە و خاوەنی سێ کوڕ و سێ كچ بووە بە ناوەکانی فارس، کۆسرەت، ئاسۆ، خالیدە، ماجیدە و ساجیدە.
خەباتنامە
عومەر ئیبراهیم لە ساڵی ١٩٧٩ پەیوەندی کردووە بە ڕێکخستنەکانی لقی دووی پارتی دیموکراتی کوردستان، بەڵام بەهۆی چالاکیێکەوە لە مانگی ئایاری ١٩٧٩ لەلایەن ئەمنی هەولێرەوە دەستگیر کراوە و گوازراوەتەوە بۆ گرتووخانەی ئەبوغرێب.
عومەر ئیبراهیم دوای ئازادبوونی هەوڵی گەیشتنی داوە بۆناو پێشمەرگەکانی پارتی دیموکراتی کوردستان بەڵام لە لایەن ئەمنی قەزای شقڵاوەوە دەگەڕێندرێتەوە بۆ پارێزگای هەولێر، بۆیە ڕووی کردۆتە دەشتی کۆیە و لە مانگی تەممووزی ساڵی ١٩٨٠ بۆتە پێشمەرگە لە هێزەکەی خاڵە سەید کاکە، ساڵی ١٩٨١ لە دۆڵی سماقوڵی لە بۆسەیەکی سەرباز و جاشەکانی ڕژێمی بەعس بریندار بووە.
لە مانگی تشرینی یەکەمی١٩٨١ پلەی فەرماندەی کەرتی پارتیزانی و لە ساڵی ١٩٨٢ پلەی فەرماندەی بەتالیۆنی وەرگرتووە.
لە ساڵی ١٩٨٣ دەستەیەک پێشمەرگە پارتیزانی بوونە لە نێوان گوندی سماقە و بایزئاغای دەشتی کۆیە کەوتوونەتە بۆسەی هێزەکانی (ی.ن.ک) و عومەرە گەورە و هاوسەنگەرێکی بەناوی خاڵە عەباس شەهید بوونە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
