عومەر عەلی هالۆ

عومەر عەلی هالۆ سندی، ساڵی ١٩٤٩ لە گوندی بۆسەل لەشارۆچکەی دەرکار سەربە قەزای زاخۆی پارێزگاى دهۆک لەدایک بووە، ساڵی ١٩٦٢ عەلی هالۆی باوکی فەرماندەی بەتالیۆنی یەکی (١) پێشمەرگە لە زاخۆ بووە، لەو سەردەمەدا عومەر عەلی کارەکانی نووسینی باوکی بەڕێوەبردووە، لە ٢٨ی ئەیلوولی ١٩٦٨ عەلی هالۆ لەشەڕی باتیفا شەهید بووە و عومەری کوڕی جێگەی گرتۆتەوە و لە شەڕەکانی کەمەکا و چیای زاخۆ بەشدار بووە.


ساڵی ١٩٧٠ کراوە بە سەرپەل لەپاسەوانی سنووری زاخۆ، ساڵی ١٩٧٤ ئەرکی فەرماندەی بەتالیۆنی یەکی (١) زاخۆی پێ سپێردراوە، لەهەمان ساڵدا بەشداری لە شەڕەکانی چیای سپی، کۆخی نێریا، گەروی ئۆمەرئاغای ناحیەى دیاناى پارێزگاى هەولێر کردووە.

١٩٧٥دوای نسکۆی شۆڕشى ئەیلوول، ڕووی کردووەتە باکووری کوردستان و بەقاچاخ لە گوندەکانی فەرەشین، مەلیسێ، بەیت ئەلشەباب، ئۆلودەڕە و دواتر وان و باتمان ماوەتەوە، لە مانگی کانونی یەکەمی ساڵی ١٩٧٩ بەبنەماڵەوە پەڕیوەتەوە بۆ ڕۆژهەڵاتی کوردستان، سەرەتا لە ئوردۆگای زێوە نیشتەجێ بووە و دواتر لە مانگی ئازاری ساڵی ١٩٨٠ چووەتە شاری نەغەدە و هاوکاری هێزەکانی عەبدولڕەحیم جەسیم  و عەلی خەلیل خۆشەوی کردووە، ساڵی ١٩٨٢ لەگەڵ ئیدریس بارزانى و شێخ محەمەد خالید و ملازم یونس گەڕاوەتەوە بۆ باشوورى کوردستان و دەڤەرى مێرگەسورى پارێزگاى هەولێر و بۆ ماوەی ٦مانگ لە ناوچەی کەتینە بووە، ساڵی ١٩٩١ لەکاتی ڕاپەڕینەکەی باشووری کوردستان لەگەڵ هێزێکی پێشمەرگەکانی زاخۆ بۆ حاجی ئۆمەران گەڕاوەتەوە، لەهەمان ساڵدا کراوە بە فەرماندەی هێزی حەمرین لە زاخۆ، ساڵی ١٩٩٧ ئەرکی هاوئاهەنگی پەیوەندییەکانی نێوان پارتی و تورکیای لە سلوپیاى دەروازەى سنوورى پێ سپێردراوە.

عومەر عەلی هالۆ، جگە لەباوکی کە لە شۆڕشی ئەیلوول شەهید بووە، دایکی و برایەکیشی بەناوی لەزگین لە ساڵی ١٩٦٤ لەماڵەکەیاندا بە فڕێدانی نارنجۆک شەهیدکراون، هەروەها هەشت ئامۆزای لە ساڵانی ١٩٦٤ و ١٩٦٥ شەهیدکراون، ساڵی ٢٠١٠  لە کۆنگرەی سێزدەیەمی پارتی دیموكراتی كوردستان لەلایەن سەرۆک مەسعود بارزانی مەدالیای بارزانی پێ بەخشرا.


سەرچاوە:

١.ئەرشیفى دەستەى ئینسکلۆپیدیاى پارتى دیموکراتى کوردستان


بابەتی پەیوەندیدار

میتۆ ئەحمەد زەینەڵ ستونى

میتۆ ئەحمەد زەینەڵ ستوونى، ساڵى ١٩٢٧ لە گوندى ستونی ناحیەى شێروان مەزن لە قەزاى مێرگەسۆر پارێزگاى هەولێر لەدایک بووە. ساڵى ١٩٦١ پەیوەندى بە هێزى پێشمەرگەى شۆڕشی ئەیلوول کردووە و بۆتە پێشمەرگە، ساڵى ١٩٧٠ دواى بەیاننامەى ١١ى ئادار، لە فەوجى ٤ى هێزى باڵەک، کراوەتە پاسەوانى سنوور. ساڵى ١٩٩٧ ساڵی کۆچى دوایی کردووە.

زانیاری زیاتر

سەعید ئیسماعیل ئەحمەد

سەعید ئیسماعیل ئەحمەد سپینداری، ساڵی ١٩٢١ لە گوندی سپیندار لەدەڤەری بەرواری ژێری سەربە قەزای ئامێدی لەدایک بووە، ساڵی ١٩٥٨ پەیوندی بە ڕیکخستنەکانى پارتی دیموکراتی کوردستان کردووە، ساڵی ١٩٦١ بۆتە پێشمەرگە، ساڵی ١٩٧٩ پەیوەندی بە هێزی پێشمەرگەى شۆڕشی گوڵان کردووە، ساڵی ١٩٩١ گەڕاوەتەوە باشووری کوردستان، ساڵی ١٩٩٧ بۆتە ئەندامی دەزگای ئەیلوول، لە ١٦ی ئابی ١٩٩٦ میدالیای بارزانی پێ بەخشراوە، لە ٣١ی ئایاری ٢٠٠١ کۆچی دوایی کردووە.

زانیاری زیاتر

ڕەمەزان عیسا شەریف

ڕەمەزان عیسا شەریف ناسراو بە (ڕەمەزان عیسا)، ساڵی ١٩٣٥ لە گوندی سێلکێ ناحیەى شێروان مەزن قەزاى مێرگەسۆر پارێزگاى هەولێر لەدایک بووە، ساڵى ١٩٥٩ نایب زابت بووە لە سوپاى عێراق، ساڵی ١٩٦١ پەیوەندى بە ڕێکخستنەکانى پارتى دیموکراتى کوردستان کردووە، ساڵى ١٩٦٢ دواى ئەوەى ئاشکرا بووە، ڕیزەکانى سوپاى جیهێشتووە و پەیوەندی بە هێزی پێشمەرگەى شۆڕشی ئەیلوول کردووە، لە ١٣ی تشرینی یەکەمی ١٩٩٩ میدالیای بارزانی پێ بەخشراوە، لە ١٠ی تەمووزی ٢٠٠٨ کۆچی دوایی کردووە.

زانیاری زیاتر

ڕەسول فەقێ خۆشناو

ڕەسول فەقێ خۆشناو ساڵی ١٩٣٢ لە گوندی( گەڕووتە) لە قەزاى شەقڵاوە پارێزگاى هەولێر لە لەدایک بووە. ساڵی ١٩٥٩ پەیوەندی بە ڕێکخستنەکانى پارتی دیموکراتی کوردستانەوە کردووە، بۆتە ئەندامی لێژنەی ناوچەی شەقڵاوە. ساڵى ١٩٧٩ پەیوەندى بەهێزى پێشمەرگەى شۆڕشی گوڵان کردووە. ساڵی ١٩٩٤ کراوە بە فەرماندەی هێزی کۆڕەک لە پیرمام، دوای دامەزراندنی دەزگای ئەیلول، کراوەتە جێگری بەرپرسی دەزگاکە. لە ١٦ی ئابی ١٩٩٣ میدالیاى بارزانى پێ بەخشراوە.

زانیاری زیاتر

خالید کۆچەر

خالید ڕەشید ئەحمەد ناسراو بە (خالید کۆچەر)، ساڵی ١٩٥٧ لە گوندی گرفیل سەربە قەزای سێمێل لەدایک بووە، ساڵی ١٩٧٢پەیوەندى بە هێزى پێشمەرگەى شۆڕشی ئەیلوول کردووە، ساڵى ١٩٧٦ پەیوەندی بەهێزى پێشمەرگەى شۆڕشی گوڵان کردووەتەوە، ساڵی ١٩٩١ گەڕاوەتەوە بۆ باشووری کوردستان، لە ١٣ی تشرینی یەکەمی ١٩٩٩ میدالیای بارزانی پێ بەخشراوە.

زانیاری زیاتر