ژیاننامه
شههید شەهباز ساڵح سەعدو، ل سالا ١٩٣١ێ ل گوندێ دەرکار عەجەم ل دەڤەرا سندیا هاتیە سەر دونیایێ، ل هاڤینا سالا ١٩٧٤ێ د هێرشا هێزا پێشمەرگەهێن دەڤەرا زاخۆ ل سەر رەبیعا ستراتیجیا دەشتمرێ شەهيد دبیت، ژبەر رولێ شەهید شەهباز سالح د شۆرەشا ئەیلوولێدا رێکخراوەکا لەشکەری ل سەر دەمێ شۆرەشا گوڵانێ ب ناڤێ وی هاتبوو دامەزراندن.
خهباتنامه
شههید شەهباز ساڵح سەعدو، ل سالێت پێنجیا دهێتە رێکخستن دگەل پارتی دیموکراتی کوردستان ل سەردەمێ شۆڕشا ئەیلوولێ ، ل ١١ێ ئەیلوولا ١٩٦١ێ چەکێ شەرەفێ هەلدگریت و دبیتە پێشمەرگە ل گەل برایێ خوە سهعدو سالح سندی و بەژداری ئازادکرنا دەڤەرا سندیا و سەنتەرێ باژێرێ زاخۆ دكهت، ل سالا ١٩٦٢ێ شههید شههباز پلا سەرقول وەرگریت و دبیتە بەرپرسێ هێزا پێشمەرگەهێن گوندێ دەرکار عەجەم، ل هەمان سال پشکداریێ ل شەڕێ چیایێ سپی و گەلیێ زاخۆ دکەت، گوندێ دەرکارێ ل بهارا سالا ١٩٦٢ێ ژلایێ حکومەتا عێراقێ دهێتە سوتن، ل سالا ١٩٦٢ دگەل قولا خوە رولەک کاریگەر هەبی د شەڕێ تەنگا بانکێ و شەڕێ دەشتکا چیێ و بەرسینگگرتنا هێرشا دوژمنی ل سەر باتیفا گولیا، ل تشرینا ئێکێ سالا ١٩٦٢ێ بەژداری سوتن و لێدانا پەترولخانا عەینزالا ل روژئاڤایێ دجلە دبیت .
ل سالا ١٩٦٣ێ ل شەڕێ چیایێ مەتینی ب گرانی بریندار دبیت، ل سالا ١٩٦٤ێ قولێن پێشمەرگەهی دهێنە تەنزیمکرن و سیستەمێ لەشکەریێ شۆرەشێ دهێتە گوهرین و شەهیدێ نەمر ژبەر لێهاتی و زیرەکییا خوە دهێتە هەلبژارتن وەک جێگرێ ئامر سری دگەل سریا برایێ خوە سهعدو سالح سندی سەر ب هێزا زاخۆ ڤە ، ل سالا ١٩٦٥ێ فەرماندێ نەمر دگەل چەند قەهرەمانێن چاڤ نەترس بەرسینگێ دوژمنی ل بانیا نێرگزێ دگرن و زیانێن مەزن دگەهیننە رژێما ژ ناڤچوی.
ل سالا ١٩٧٣ێ دگەل ٢٠٠ پێشمەرگەهێت قەهرەمان ژ دەڤەرا زاخۆ ب سەرپەرشتیا سهعدو سالح سندی بەژداری پاراستنا خاکێ پیروز و شکاندنا دوژمنێن بزاڤا رزگاریخوازا کوردستانێ ل دەڤەرا ئاکرێ دبیت، ل سالا ١٩٧٤ێ ژبەر رول و قەهرەمانیا خوە دهێتە هەلبژارتن وەک ئامر سری (سەرلەق) سەر ب هێزا زاخۆ ڤە، ل سالا ١٩٧٤ێ سەرپەرشتیا عەمەلیاتەکا تایبەت دژی حکومەتا عیراقێ ل دەروازگەهێ ئیبراهیم خەلیل دکهت و گورزەک گران ل دوژمنی ددت و د ئەنجامدا ب سڤکی بریندار دبیت .
ل هاڤینا سالا ١٩٧٤ێ د هێرشا هێزا پێشمەرگەهێن دەڤەرا زاخۆ ل سەر رەبیعا ستراتیجیا دەشتمرێ شەهيد شەهباز سالح دگەل چەند ژ هەڤال و هەڤچەپەرێن خوە بناڤێن دیندار توفیق، جهمیل جەهوەر، حسێن بەتال، ئیبراهیم سهلیم، عهلی محێ شەهید دبن و جەنازێ ناڤبری ل گورستانا دەرکاری دهێتە ڤەشارتن.
پشتی نسكۆیا سالا ١٩٧٥ێ مالباتا شەهید شەهباز سالح چەکێ وی رادەستی حکومەتا عێراقێ ناکەت، ل سەردەمێ شۆرەشا گوڵانێ و دگەل دەستپێکا شۆرەشا ٢٦ێ گوڵانێ، شەهیدێ نەمر سادق عومهر سندی وەک ئامر مەفرەزێ قەهرەمانێ قیادا کاتی چەکێ شەهیدێ نەمر ل چەند چالاکیێن لەشکەری دژی حکومەتا عێراقێ بکار دئینت .
ژبەر رولێ شەهید شەهباز سالح د شۆرەشا ئەیلوولێدا ل سەر دەمێ شۆرەشا ٢٦ێ گوڵانێ رێکخراوەکا لەشکەری ب ناڤێ وی هاتبوو دامەزراندن ل سنوورێ لقا ئێک ب سەرپەرشتیا شەهید سادق عومهر سندی ،ل ئەنفالا سالا ١٩٨٨ێ کورێ وی ب ناڤێ فەهمی شەهباز دگەل ١٣ برازایێن وی بێ سەراشین دبیت.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
