شوکر بەکر ئەحمەد قازی

شوکر بەکر ناسراوە بە (قازی)، پێشمەرگەی هەردوو شۆڕشی ئەیلوول و شۆڕشی گوڵان بووە، لە شۆڕشی ئەیلوول پلەی جێگری سەرلقی وەرگرتووە و لە شۆڕشی گوڵان پلەی جێگری فەرماندەی مەفرەزەی وەرگرتووە، لە ساڵی ١٩٨٠ لە دەڤەری خۆشناوەتی لە ڕووبەڕووبوونەوەی هێرشی جاش و سەربازی ڕژێمی بەعس شەهید بووە.


ژیاننامە

شەهید شوکر بەکر لە ساڵی ١٩٥١ لە گوندی عەلیاوەی سەر بە ناحیەی دێگەڵە لە دایکبووە، گوندنشین بووە و سەرقاڵی کاری جوتیاری بووە، ئاستی خوێندەواری سەرەتای بووە، لە دوای نسکۆی شۆڕشی ئەیلوول ئاوارەی وڵاتی ئێران بووە و لە ساڵی ١٩٧٦ دوای گەڕانەوەیان بۆ کوردستان دوورخراوەتەوە بۆ باشووری عێراق.


خەباتنامە

شەهید شوکر بەکر لە ساڵی ١٩٦٨ بۆتە پێشمەرگە لە دەستەی شەهید سلێمان بیرێژی کە سەربە هێزی سەفینی پارتی دیموکراتی کوردستان بووە، لە ساڵی ١٩٧٤ دوای ئەوەی شەهید سلێمان بیرێژی پلەی سەرلقی سێی لە بەتالیۆنی یەکی دۆڵی سماقوڵی سەر بە هیزی سەفین وەرگرتووە شەهید شوکر بەکر پلەی جێگری سەرلقی وەرگرتووە.

لە ساڵی ١٩٧٦ دوای دوورخستنەوەیان بۆ باشووری عێراق، شەهید سلێمان بیرێژی مەفرەزەیەکی پێشمەرگە دروست کردۆتەوە و دووبارە ڕوویانکردۆتە شاخ بۆ درێژەدان بە خەبات، هەروەها لەم مەفرەزەیە شەهید شوکر بەکر پلەی جێگری فەرماندەی مەفرەزەی وەرگرتووە.

شەهید شوکر بەکر لە ڕووبەڕووبوونەوەی جاش و سەربازی ڕژێمی بەعس چوار جار بریندار بووە لە چیای ماکۆک ساڵی ١٩٧٥، لە دەڤەری زرارەتی ساڵی ١٩٧٦، لە دۆڵی گوڵان ساڵی ١٩٧٨ و لە چیای بنەباویان ساڵی ١٩٧٨. لە ساڵی ١٩٨٠ لە گوندی چیوەی دەڤەری خۆشناوەتی لە ڕووبەڕووبوونەوەی هێرشی جاش و سەربازی ڕژێمی بەعس شوکر بەکر شەهید بووە.


سەرچاوە:

ئەرشیفی دەستەی ئینسکلۆپیدیای پارتی پارتی دیموکراتی کوردستان.


بابەتی پەیوەندیدار

کەریم ئەحمەد قادر ڕەزا

کەریم ئەحمەد قادر، ساڵی ١٩١٠ لە پارێزگاى سلێمانى لە دایکبووە، کەریم ئەحمەد، ساڵی ١٩٦٨ پەیوەندی بە هێزى پێشمەرگەى شۆڕشی ئەیلوول کردووە، ساڵی ١٩٧٤ لە شەڕی قازانی نزیک ناحیەی پیرەمەگرون شەهید بووە.

زانیاری زیاتر

محەمەد عەلی حسێن عەلی

محەمەد عەلی حسێن ناسراو بە (حەمە چاڵاوی)، ساڵی ١٩٣٩ لە پارێزگای سلێمانی لە دایکبووە، ساڵی ١٩٦١ پەیوەندی بە هێزى پێشمەرگەى شۆڕشی ئەیلوول کردووە، لە ٢٤ی ئایاری ١٩٦٢ شەهید بووە.

زانیاری زیاتر

کاکل ساڵح محەمەد عەبدوڵڵا

کاکل ساڵح محەمەد عەبدوڵڵا، ساڵی ١٩٤٥ لە پارێزگای سلێمانی لە دایکبووە، کاکل ساڵح لە ساڵی ١٩٦٣ پەیوەندى بە هێزى پێشمەرگەی شۆڕشی ئەیلوول کردووە، ساڵی ١٩٦٥ لە شەڕی ڕاوەدوونانی سەرباز و جاشە کۆڵوانە سورەکان لە دەشتی کۆیە بریندار بووە، ساڵی ١٩٦٧ شەهید بووە.

زانیاری زیاتر

نەسرەدین حەمەکاکی مەولود سەلام

نەسرەدین حەمەکاکی، ساڵی ١٩٤٩ لە پارێزگاى سلێمانی لە دایکبووە، ساڵی ١٩٧٨ پەیوەندی بە هێزى پێشمەرگەى شۆڕشی گوڵان کردووە، لە شۆڕشی گوڵاندا بەشداری چالاکییە پارتیزانیەکانی دەشتی کویە و چواردەوری قەزای دووکان و چواردەوری بازیان و تەکیە کردووە. لە ٢ی تشرینی یەکەمی ١٩٨٢ شەهید بووە.

زانیاری زیاتر