ژیاننامە
شه‌هید سلێمان عەبدوڵا محەمەد محەمەدئەمین ناسراوە بە سلێمان عەدۆ، لە ساڵی ١٩١٧ لە گوندی زێوەی سەربە دەڤەری خۆشناوەتی لەدایکبووە، گوندنشین بووە و سەرقاڵی کاری جوتیاری بووە، خێزاندار بووه خێزانه‌كه‌ی ناوی زارا حەسەن بووە و خاوه‌ن سێ كوڕو سی كچ بووه به‌ناوه‌كانی عەبدوڵا، فەلاح، عەبدول و پیرۆز، زەکیە، غەزال.
خەباتنامە
شه‌هید سلێمان عەدۆ لە ساڵی ١٩٦٤ لە ڕێگەی مامێکیەوە بەناوی شەھید عومەر حەسەن بۆتە پێشمەرگەی بەتالیۆنی بێتواتەی پارتی دیموکراتی کوردستان به فه‌رمانده‌یی عەلی شەعبان، سلێمان عەدۆ دوای شەھیدبوونی مامی و بەھۆی لێهاتووی و زیره‌كی بۆتە جێگای متمانەی عەلی شەعبان، بۆیه ده‌بێته یه‌كێك له نزیكه‌كان و متمانه‌پێكراوه‌كانی عه‌لی شه‌عبان، ئه‌ركی چاڵاكی تایبه‌تی و ناوشاری پێ ده‌سپێرێت، له‌ڕێگه‌ی شه‌هید سلێمان په‌یوه‌ندی له‌گه‌ڵ ڕێكخستنه‌كان و خه‌ڵكی نێو شار ده‌به‌ستێت.
ساڵی ١٩٧٥ فه‌رمانده عەلی شەعبان، سلێمان عەدۆ و ھاوسەنگەرێکی بەناوی حسێن بەگ ڕادەسپێرێت، بۆ ئه‌وه‌ی نامه‌یه‌ك بگه‌یه‌ننه ناو شاری ھەولێر، ئه‌وانیش بۆ به‌جێگه‌یاندنی ئه‌ركه‌كه‌یان دێنه ناوشاری هه‌ولێر، به‌ڵام هه‌رزوو له‌لاین ده‌ست و پێوه‌نده‌كانی ڕژێمی به‌عس ئاشكراده‌كرێن، سلێمان عەدۆ و حوسێن بەگ به‌مه‌به‌ستی خۆحه‌شاردان له‌ده‌ستی ئه‌منه‌كانی ناوبازاڕی هه‌ولێر ڕووده‌كه‌ن ناو كۆڵانه‌كانی ناو قه‌ڵای هه‌ولێر، به‌ڵام هه‌ر له‌وێ له‌لایه‌ن پیاوانی ڕژێم ده‌سگیر ده‌كرێن و ده‌برێنه ئه‌منی هه‌ولێر، له‌وێشه‌وه ده‌گاوزرێنه‌وه بۆ گرتووخانه‌ی بادۆش له شاری مووسڵ، به‌هۆی گرتنی نامه‌كه پاش چه‌ند ڕۆژێك سلێمان عه‌دۆ له سێداره ده‌درێت و نه‌بوونی هیچ به‌ڵگه‌یه‌كیش له‌سه‌ر حسێن به‌گ ئازاد ده‌كرێت.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
