شەهید سادق هاشم عەزیز، ساڵی ١٩٦٦ لە گوندى مێرۆز سەر بە قەزاى مێرگەسۆرى پارێزگاى هەولێر لەدایکبووە، تەمەنی ٦ مانگ بووە کاتێک هاشم عەزیز مێرۆزیی باوکى لە چیاى ئەترۆش شەهید دەبێت.
ساڵى ١٩٧٥ دوای نسکۆى شۆڕشى ئەیلوول لەگەڵ خانەوادەکەى ئاوارەى وڵاتى تورکیا دەبێت، دواى ماوەیەک مانەوە لە وڵاتى تورکیا ڕوودەکەنە وڵاتى ئێران و لە ئوردوگاى زێوە نیشتەجێ دەبن.
ساڵى ١٩٨٣ دەگەڕێتەوە ناوچە ڕزگار کراوەکانى شۆڕش و پەیوەندیى بە هێزى پێشمەرگەى شۆڕشی گوڵانەوە دەکات و لەلاى فەرماندە ئەحمەد مێرۆزیى مامى دەبێتە پێشمەرگە و بەشداریى چەندین شەڕ و چالاکیى دەڤەرەکە دەکات. بۆ ئەنجامدانى چالاکییەکى پێشمەرگایەتى دەچێتە دەڤەرى مزوورى و لە ٢٣ی حوزەیرانى ١٩٨٧ بە هۆى بۆردومانى فڕۆکەى سوپاى ڕژێمى بەعسەوە لە گوندى مێرۆز شەهید دەبێت.
سەرچاوە:
-
ئەرشیفى دەستەى ئینسکلۆپیدیاى پارتى دیموکراتى کوردستان.
