دەشی زیا یوحەنا

دەشی زیا یوحەنا کوڕی قەشە زیا ساڵی ١٩٥٢ لە گوندی درگنیی دەڤەری نهێل سەربەقەزای ئامێدی پارێزگای دهۆک لەدایک بووە، باوکی و باپیری بەشداری شۆڕشەکانی یەکەمی بارزان(١٩٣١- ١٩٣٢) و دووەمی بارزان ساڵی (١٩٤٣- ١٩٤٥) یان کردووە، قەشە زیای باوکی لە پەیڕەوانی بارزانی و دامەزرێنەری ڕێکخستنەکانی پارتی دیموکراتی کوردستان لەناو کریستیانەکانی دەڤەری نهێل بووە و لەکاتی هەڵگیرسانی شۆڕشی ئەیلوول ساڵی ١٩٦١، ناوبراو کادرێکی لێهاتوو بووە و ماڵی خۆی کردبووە بارەگای پێشمەرگە.


دەشی زیا، ساڵی ١٩٦٩ پەیوندەی بە یەکێتی قوتابیانی کوردستان دەکات و دەبێتە ئەندام لەو یەکێتییە، ساڵی ١٩٧١ بەشدار بووە لە کۆنگرەی یەکێتی قوتابیانی کوردستان لە سلێمانی، ساڵی ١٩٧٤ لەگەڵ محەمەد حەسەن ڕێکانی، خەڵکیان هانداوە کە دوای گەڕانەوەی سوپا و جاشەکان بۆ ناوچەکانیان خۆیان ئامادە بکەن بۆ بەرگریکردن، دوای نسکۆی شۆڕش لەساڵی١٩٧٥ لەگەڵ باوکی لە گوندەکەیان ماونەتەوە،  دەشی زیا لە ساڵی ١٩٧٦ پەیوەندی بە شۆڕشی گوڵانەوە کردووە، ساڵی ١٩٨٢ کراوە بە بەرپرسی نهێنی ڕێکخراوی شەهید محەمەد حسێن کە دواتر ناوی گۆڕاوە بۆ ڕێکخراوی گەوەڕ لەناوچەی ئامێدی پارێزگاى دهۆک و لەهەمان کاتدا بەرپرسی هێزی بەرگری میللی دەڤەری نهێل بووە، لەمانگی ئایاری ١٩٨٣ بەهۆی فڕێدانی نارنجۆکێک لەلایەن پیاوانی ڕژێمی بەعس بۆ ناو خێزانەکەی، باوکی و هاوسەرەکەی شەهید بوون و خوشک و برایەکی بریندار بوون.

ساڵی ١٩٨٤ لە لقی یەکی دهۆک کە ڕەمزی شەعبان بەرپرسی لق بوو ئەرکی نووسینی نامە نهێنیەکانی پێ سپێردراوە، ساڵی ١٩٨٨ دوای شاڵاوە بەدناوەکەی ئەنفال و کیمیابارانکردنی دەڤەری بادینان، دەشی زیا ئاوارەى وڵاتى ئێران دەبێت و ڕوودەکاتە ڕۆژهەڵاتی کوردستان، ساڵی ١٩٩١ لەڕاپەڕینەکەی جەماوەرى باشووری کوردستان بەشداری کردووە، ساڵی ١٩٩٢ کراوە بە ئەندامی لێژنەی ناوچەی ئامێدی سەر بە لقی١، ساڵی ١٩٩٤ کراوە بە سەرۆکی شارەوانی سەرسەنگ لە قەزای ئامێدی، ساڵی ٢٠٠١ کراوە بە ئەندامی لێژنەی ناوچەی مانگێشک لە سنووری لقی یەک، ساڵی ٢٠٠٥ لەکاتی دامەزراندنی لقی ١٨ی پارتی لە قەزای ئامێدی، ناوبراو کراوە بە کارگێڕی لق، ساڵی ٢٠١٣ کراوە بە ڕاوێژاکار لە لقی یەک، ناوبراو ئەندامی کۆنگرەکانی ٩، ١٠، ١١ی پارتی بووە، لە کۆنگرەی سێزدەیەمی پارتی دیموكراتی كوردستان ساڵی ٢٠١٠ بەهۆی ئەو خزمەتانەی پێشکەشی کورد و کوردستان و ڕێبازی بارزانی کردووە، لەلایەن سەرۆک مەسعود بارزانی مەدالیای بارزانی نەمری پێ بەخشرا.


سەرچاوە:

١-ئەرشیفى دەستەى ئینسکلۆپیدیاى پارتى دیموکراتى کوردستان.


بابەتی پەیوەندیدار

فەقێ ئەحمەد پشدەری

ئەحمەد محەمەد ئەبوبەکر، ناسراو بە (فەقێ ئەحمەد پشدەرى)، ساڵى ١٩٢٢ لە گوندى دەلگە لە ناوچەى پشدەر لە ناحیەى هێرۆ سەر بە قەزاى قەڵادزێ پارێزگاى سلێمانى لە دایک بووە، ساڵى ١٩٥٨ پەیوەندى بە ڕیزەکانى پارتى دیموکراتى کوردستان کردووە، ساڵى ١٩٦١ پەیوەندى بە هێزی پێشمەرگەى شۆڕشی ئەیلوول کردووە، ساڵى ١٩٧٥ دوای نسکۆی شۆڕشی ئەیلوول (١٩٦١- ١٩٧٥) ئاوارەى وڵاتى ئێران بووە، لە ٤ى تشرینى یەکەمى ١٩٧٩ وەک ئەندامى کۆنگرە بەشدارى لە کۆنگرەى نۆیەمى پارتى دیموکراتى کوردستانی لە ڕۆژهەڵاتی کوردستانی کردووە.

زانیاری زیاتر

خالید تەها عەلی

خالید تەھا عەلی ساڵی ١٩٤٥ لە پارێزگای دھـۆک لەدایـــــک بـــــووە. ڕۆژی ٤ی نیسانی١٩٦٢ پەیوەندی بە شۆڕشی ئەیلوولەوە کردووە، ساڵی ١٩٧٠ بووەتەسکرتێری سەندیکای کرێکـارانی دھـۆک، دوای نسکۆی شۆرشی ئەیلوول لەساڵی ١٩٧٥ئاوارەی رۆژهەڵاتی کوردستان، لەساڵی ١٩٨٩ چووەتە وڵاتی نەمسا، ساڵی ١٩٩٩ گەراوەتەوە بۆ کوردستان، لە رۆژی ١٥ی کانونی یەکەمی ٢٠١٠ میدالیای بارزانی پێ بەخشراوە.

زانیاری زیاتر

حەمید حەیدەر ئەرگوشی

حەمیـد حەیـدەر ئەحمەد، ناسراو بە (حەمید ئەرگۆشى)، لە دایک بووی گوندى ئەرگۆشى ناحیەى شێروان مەزنە، ساڵى ١٩٥٩ پەیوەندى بە ڕیزەکانى پـارتی دیمـوکراتی کوردسـتان کردووە، ساڵى ١٩٦١ پەیوەندى بەهێزى پێشمەرگەى شۆڕشی ئەیلوول کردووە و بۆتە پێشمەرگە. ساڵی ١٩٧٩ پەیوەندی بە هێزى پێشمەرگەى شۆڕشی گوڵان کردووە، لە ١٥ی کانونی یەکەمی ٢٠١٠ میدالیای بارزانی پێ بەخشراوە.

زانیاری زیاتر

خەمەد بارزانى

خەمەد میـــرحەمەد فەتـــاح، ناسراو بە (خەمەد بارزانى)، ساڵى ١٩٤٩ لە ناحیەى گۆڕەتووی قەزاى مێرگەسۆر لەدایک بووە، ساڵى ١٩٧٢ پەیوەندى بەهێزى پێشمەرگەى شۆڕشی ئەیلوول کردووە، ساڵى ١٩٧٤ گوازراوەتە بۆ هێزى کاوەى لەشکرى کوردستان، ساڵى ١٩٧٧ لەلایەن هەواڵگرى ڕژێمى عێراق دەستگیرکراوە، لە ١٥ی کانوونى یەکەمى ٢٠١٠ لە کۆنگرى ١٣ى پارتی دیموکراتی کوردستان، میدالیای بارزانی پێ بەخشراوە

زانیاری زیاتر

جەوهەر ئاغاى غەفور ئاغاى لێوژە

جەوهەر غەفور ئیسماعیل، ناسراو بە (جەوهەر ئاغاى غەفور ئاغاى لێوژە)، ساڵى ١٩٢٨ لە گوندی لێوژە لە ناحیەى ناودەشت لە قەزاى قەڵادزێ سەر بە پارێزگاى سلێمانى لە دایک بووە، ساڵى ١٩٦١ پەیوەندى بە هێزى پێشمەرگەى شۆڕشی ئەیلوول کردووە، ساڵى ١٩٧٦ پەیوەندى بە هێزى پێشمەرگەى شۆڕشی گوڵان کردووەتەوە، لە ١٦ى ئابى ١٩٩٦ لە یۆبیلى زێڕینى پارتى دیموکراتى کوردستان، میدالیاى بارزانى پێ بەخشراوە.

زانیاری زیاتر