خەلیل دەسکۆ حادێ، ناسراو بە (خەلیل دەسکۆ)، ساڵی ١٩٣٢ لە گوندی سەرۆکانی قەزای مێرگەسۆر پارێزگاى هەولێر لەدایکبووە. خێزاندار بووە، ساڵى ١٩٤٥ لەگەڵ خانەوادەى ئاوارەى ڕۆژهەڵاتى کوردستان بووە، ساڵى ١٩٧٥ ئاوارەى وڵاتى ئێران بووە و سەرەتا لە شارى نەغەدە نیشتەجێ بووە، دواتر چۆەتە شارى کەرەج. ساڵى ١٩٩١ گەڕاوەتەوە باشوورى کوردستان، لە ١٢ى نیسانى ٢٠٠٣ کۆچى دوایی کردووە.
ساڵى ١٩٦١ پەیوەندى بە هێزى پێشمەرگەى شۆڕشی ئەیلوول کردووە و بۆتە پێشمەرگە، ساڵى ١٩٧٩ پەیوەندى بە هێزى پێشمەرگەى شۆڕشی گوڵان کردووە و شوفێرى سەرۆک مەسعود بارزانى بووە تا ساڵى ١٩٩١.
لە ١٦ى ئابى ١٩٩٦ یۆبیلى زێڕینى پارتى دیموکراتى کوردستان، بەهۆی خزمەتەکانى کە بە کورد و کوردستانی کردوون، لەلایەن سەرۆک مەسعود بارزانی میدالیای بارزانیی نەمری پێ بەخشراوە.
سەرچاوە:
ئەرشیفى دەستەى ئینسکلۆپیدیاى پارتى دیموکراتى کوردستان.
