ژیاننامە
حەمەفەرەج حەمەئەمین محەمەد حەمەخان، ساڵی ١٩٤١ لە گوندی ناوحەدی دەڤەری شەمێرانی سەر بە قەزای دەربەندیخان لە دایکبووە، گوندنشین بووە و سەرقاڵی کاری جوتیاری بووە، برایەکی بەناوی ئەحمەد حەمەئەمین، ساڵی ١٩٧٤ شەهید بووە، حەمەفەرەج حەمەئەمین ساڵی ١٩٦٦ شەهید بووە.
خەباتنامە
شەهید حەمەفەرەج حەمەئەمین، ساڵی ١٩٦٣ بۆتە پێشمەرگە لە بەتالیۆنی شەشی بەمۆی سەربە هێزی خەباتی پارتی دیموکراتی کوردستان، کە لەو کاتەدا فازڵ تاڵەبانی فەرماندەی بەتالیۆن بووە، بەشداری شەڕەکانی چیای زمناکۆ، شەڕی هەڵەبجە و شەڕەکانی دەشتی شارەزوور کردووە.
لە ٢ی حوزەیرانی ١٩٦٦ تۆپخانەکانی ڕژێمی ئەوکاتی عێراق، بەچڕی تۆپبارانی سەنگەرەکانی هێزی پێشمەرگەیان کردووە لە چیای زمناکۆ، لە ئەنجامدا تۆپێک بەر حەمەفەرەج حەمەئەمین کەوتووە و شەهید بووە.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
