حەسەن مەجید حەسەن، لەساڵی ١٩٤١ لە گوندی باڵەکیانی شارۆچکەی دیانای سەر بە پارێزگای هەولێر لەدایک بووە، گوندنشین وسەرقاڵی کاری جوتیاری بووە، تا قۆناغی سەرەتایی خوێندووە، ژیانی هاوسەرێتی پێک نەهێنابوو.
لە ١٢ی کانوونی یەکەمی ١٩٦١ پەیوەندی بە شۆڕشی ئەیلوولەوە دەکات، دەبێتە پێشمەرگە لە بەتالیۆنی حەمید ئەفەندی، لە ساڵی ١٩٦٢ بەشداری شەڕی دژ بە بەکرێگیراوانی ڕژێمی عێراق دەکات و لەو شەڕەدا لەگەڵ هەڤاڵێکی تری بەدیل دەگیرێن، بەڵام خۆیان ڕزگار دەکەن. لە ١ی ئابی١٩٦٣ لە کاتی هێرشبردنە سەر سوپای ڕژێمی عێراق لە چیای گۆڕەز، بە گولەی ڕژێمی عێراق شەهید دەبێت.
سەرچاوە:
١.ئەرشیفى دەستەی ئینسکلۆپیدیای پارتى دیموکراتى کوردستان.
