ساڵا ١٩٨٠ د ژییێ نەهـ سالیدا دگەل دیاک و باب و برایێت خۆ ب دەستێ رژێما بەعس دهێتە گرتن. لدیف دژوارییا کاودانێن دەڤەری دگەل خەباتێ ل خوێندنا خۆ بەردەوام بویە ، دیپلۆم ب کارگێری، بەکالۆریۆس ب کارگێری یا کار، ماستەر ب کارگێری یا کار ل زانکۆیا دهۆک، دکتۆرا ب فەلسەفەیێ د کارگێری کار ژی هەر ل زانکۆیا دهۆک وەرگرتینە.
ساڵا ١٩٨٥ چوویە دناڤ رێکخستنێت پارتی دیموکراتی کوردستاندا ل سنوورێ لقا ئێک – لیژنا ناوچا ئامێدیێ، ڕێکخراو پەیمان، ساڵا ١٩٨٧ بەرپرساتییا شانا هەڤرست وەرگرتییە، ساڵا ١٩٨٨ و ل کریارا لەشکەریا (ئۆپەراسیونا) دوژمنێ بەعسی ب ناڤی ئەنفالێ و قۆناغا دوماهیێ، کو ب قۆناغا هەشتی یا ئەنفالێن ڕەش دهێتە ناسین ماڵا وان بەرەڤ تورکیا دچن و ئاوارەیی باکوورێ کوردستانێ بوینە و ل کەمپا مێردینێ ئاکنجی دبن، تا سەرهلدانا ١٩٩١ێ. ساڵا ١٩٩١ پشتی سەرهەڵدانێ و ڤەگەرێ وی بەرپرساتییا ڕێکخراو وارین یا سەر ب لیژنا زاخۆ وەرگرتییە. ساڵا ١٩٩٢ بەرپرساتییا ڕێکخستنا نڤیسینگەها دەرکار عەجەم بویە. د هەمان ساڵدا ل لقا ئێک بەشداری خۆلا کادیران کریە.
ل ٢١ێ کانوونا یەکەما ساڵا ١٩٩٣ بەرپرساتییا پشکا لەشکەرییا لیژنا ناوچا دهۆک وەرگرتییە و شەرەفا ئەندامەتییا لێژنا دهۆکێ پێهاتییە بەخشین.
ساڵا ١٩٩٣ – ١٩٩٩ بەرپرساتییا هێزێت لەشکەری یێت سەر ب لیژنا ناوچا دهۆک ڤە، بەرپرسێ کەرتێ دهۆک یێ زێرەڤانییا ناڤخۆیی، بەرپرسێ ڕێکخستنا هێزێت ناڤخۆیی ل دهۆکێ وەرگرتینە.
ل مابەینا ساڵێن ٢٠٠١ – ٢٠١٩ بەرپرسێ هۆبا رێکخستنا فەرماندەیا دهۆک، جێگرێ لەشکەرێ ٣٤، جێگرێ سوپایێ ١٤، ئەندامەتییا فەرمادەیا پێشمەرگەیێ پاراستنا ژینگەهێ، بەرپرسێ ڕۆشنبیری و ڕاگەهاندن و پاشان بوویە جێگرێ فەرماندەیا پێشمەرگەیێ پاراستنا ژینگەهێ.
بەشداری کۆنگرەیێت (١١، ١٢، ١٣) یێت پارتی دیموکراتی کوردستان بوویە، بەرپرساتییا لیژنا ئامادەکاری یا سنورێ لقا هەڵەبجە بوویە.
ئەندامەتییا لیژنا ئامادەکاری یا لقا ١٤ یا میسل بۆ کۆنگرەیا چواردهێ یا پارتی بوویە. سەرنڤیسەرێ گۆڤارا ئاسۆی ژینگەیە.
نوکە لە وەزارەتا پێشمەرگە
لیوا دکتور حەسەن عەسکەری نووکە ل وەزارەتا پێشمەرگەیە وەکی پشکنەرێ گشتی سەربازی بەردەوامە ل سەر خزمەتێ.
ژێدەر:
١- ئەرشیفا دەستەیا ئینسکلۆپیدیایا پارتی دیموکراتی کوردستان.
