شەهید حەسەن حەمەشەریف، ساڵی ١٩٥٦ لە گوندی عامورەی سەربە ناحیەی خورماڵ لەدایکبووە، گوندنشین بووە و سەرقاڵی کاری جوتیاری بووە، تا قۆناغى سەرەتایی خوێندووە.
ساڵی ١٩٧٨ بۆتە پێشمەرگە لە مەفرەزەی عومەر غەمگین فەرماندەی مەفرەزەی پارتیزانی دەشتی شارەزوور سەربە هێزی سورێنی پارتی دیموکراتی کوردستان.
ساڵی ١٩٧٩ حەسەن حەمەشەریف و هاوسەنگەرێکی بەناوی حەسەن عامورەیی دوای گەڕانەوەیان لە چالاکییەکی پارتیزانی لە دەشتی شارەزوور، لە گوندی شیرەمەڕی نزیک خورماڵ کەوتوونەتە بۆسەی جاشی ڕژێمی بەعس و لە ئەنجامدا حەسەن حەمەشەریف شەهید بووە و حەسەن عامورەیی بە برینداری خۆی لە بۆسەکە دەرباز کردووە.
سەرچاوە:
١.ئەرشیفى دەستەى ئینسکلۆپیدیاى پارتى دیموکراتى کوردستان.
