شەهید حاجی ساڵح حاجی سونێ، ساڵی ١٩٣٤ لە گوندی شاوەیسی سەربە پارێزگای هەولیر لە دایکبووە، گوندنشین و سەرقاڵی کاری جوتیاری و ئاژەڵداری بووە، تا قۆناغى سەرەتایی خوێندووە، خێزاندار و خاوەنی دوو کوڕ و یەک کچ بووە.
شەهید حاجی ساڵح لە شۆڕشی ئەیلوول و ساڵی ١٩٦٥ پەیوەندى بەهێزى پێشمەرگەى شۆڕشى ئەیلوول کردووە و لە لقی ڕەسوڵ فەقێ سەربە بەتالیۆنی سێی هێزی سەفینی پێشمەرگەى پارتی دیموکراتی کوردستان بۆتە پێشمەرگە.
حاجی ساڵح بەژداری داستانەکانی (چیای سەفین- سماقوڵی- بەنی هەریر- هیران و نازانین- کەوەرتیان)ی کردووە.
لە ساڵی ١٩٧٤ لە سەنگەری بەرگری هێزی پێشمەرگە لە چیای سەفین لە ئەنجامی تۆپبارانی تۆپخانەکانی ڕژێمی ئەوکاتی عێراق حاجی ساڵح برینداربووە و شەهید بووە.
سەرچاوە:
١- ئەرشیفى دەستەى ئینسکلۆپیدیاى پارتى دیموکراتى کوردستان.
