ژیاننامە
شههید جەمال هەمزە وسو حسێن، لە ساڵی ١٩٤٩ لە گوندی زیارەتی سەربە ناحیەی هیران لە دایکبووە. گوندنشین بووە و تا قۆناغی سهرهتایی خوێندوویهتی، خێزاندار بووه و خێزانهكهی ناوی سامیه ڕهشاد بوو، خاوهن سێ كچ بووه بهناوهكانی ئهدیبه، كهژاڵ و فهریده.
خەباتنامە
لە ساڵی ١٩٦١ و لە دەستپێکی شۆڕشی ئەیلوول، لهگهڵ مهحمود کاوانی جەمال و کەمالی برای بونەتە پێشمەرگە، بۆ ئهرك دهچنه چیای سەفین. ساڵی ١٩٦٢ و دوای شەهید بوونی محمود کاوانی دەچنە لای هاشم باپیر و درێژە بە خەباتی پێشمەرگایەتی خۆیان دەدەن. پاشان دەگوازرێنەو بۆ ناوچەی شەقڵاوەی لقی دووی پارتی دیموکراتی کوردستان، درێژە بە خەباتی پێشمەرگایەتی و سیاسی خۆیان دەدەن و لە هەمان کاتدا پەیوەندیان لەگەڵ هاشم باپیر دەمێنێت وەک پێشمەرگە لەگەڵی بەشداری شهڕ و داستانهكان دهكهن.
ساڵی ١٩٦٦ جەمال و کەمال و باوکیان دەگوازرێنەوە بۆ بەتالیۆنی حەوتی ئاکۆ بهفهرماندهیی عەباس ئاغا سەربە لەشکری دووی پارتی دیموکراتی کوردستان، هەمزە وسوی باوكیان پلەی سەرلق وەردەگرێت و جەمال و کەمالی برای پلەی سەرپەل وەردەگرن، ساڵی ١٩٦٩ هەمزە وسوی باوکیان شەهید دهبێت و ئهوان تا نسکۆی شۆڕشی ئەیلوول ساڵی ١٩٧٥ درێژە بە خەباتی پێشمەرگایەتی خۆیان دهدهن.
ساڵی ١٩٧٥و دوای نسکۆی شۆڕش، ئاوارەی وڵاتی ئێران دەبن و لە شاری نەغەدە نیشتهجێ دەبن، هەر لەو ساڵەدا پەیوەندی دەکەنەوە بە مەلا غەریب و وەک پێشمەرگەی لێژنه ناوچە درێژە بە خەباتی پێشمەرگایەتی خۆیان دەدەن. ساڵی ١٩٧٩ بەژداری کۆنگرەی نۆی پارتی دیموکراتی کوردستان دەکەن لە شاری زێوهی ڕۆژههڵاتی كوردستان، دوای کۆنگرە هەر وەک پێشمەرگەی لقی دوو دەمێننەوە و لە بەتالیۆنی هاشم باپیر سەربە لێژنه ناوچەی شەقڵاوە، درێژە بە خەباتی پێشمەرگایەتی خۆیان دەدەن، بارەگایان لە کوپەڕە و کۆنەلاجان بووە.
ساڵی ١٩٨٣ هێزەکانی سهربه لێژنه لقی دوو لەگەڵ بەشێک لە هێزی لێژنه لقی یەک دابەش دەبنه سهر چیای قەندیل و گوندەکانی چواردەوری شارۆچکەی ڕانیە و قەڵادزێ، بۆیە بەشێک لە هێزەکەی مەلا غەریب و هاشم باپیر و حەسۆ میرخان ژاژۆکی و چەند پێشمەرگەیەکی لێژنهی لقی یەک دەچنە بەرزایەکانی گوندی ئێنزە و لێوژە لە پشت شاڕۆچکەی قەڵادزێ. لە بەرواری ١٣ی ئابی ١٩٨٣ هێزێکی زۆری یەکێتی بە چاوساغی خەلکی دەڤەرەکە هێرشێکی گەورە دەکەنە سەر ئەم سەنگەرەی پێشمەرگە دوای شەڕێکی قورس و دەستەویەخە، جەمال و کەمالی برای لە یەک سەنگەردا شەهید دهبن، هەر لەگەڵ ئەواندا لەو هێرشە کۆمەڵێک پێشمەرگە و فەرماندە شەهید بوون کە بریتی بوون لە شەهید ئەمیر عاز ناسراوە بە شەهید کاکۆ، شەهید سەردار ئەمیر عاز ناسراوە بە سەرداری شەهید کاکۆ، شەهید قادر، شەهید مامەند وەیسی هەروەها هێزەکەی لێژنه لقی یەک بە زیندوویی دهكهونه دهست هێزهكانی یهكێتی، ژمارەیان هەشت پێشمەرگە بووە، لهلایهن بهرپرسانی یهكێتی وهك دیلی جهنگ گوله باران دهكرێن و شههید دهكرێن، ههر لهو شهڕهدا هاشم باپیر وهك فهرماندهی هێز زۆر بە سەختی بریندار دهبێت و ئێستاش بههۆی شوێنهواری ئهو برینهیهوه بۆته پهككهوته. شههید جهماڵ باوكیشی شههیدی سهردهمی شۆڕشی ئەیلووله.
به فەرمانی سەرۆک مەسعود بارزانی لە ساڵی ٢٠٠٩ بە مەراسیمێکی شایستە تەرمی ئهو شههیدانه گواسترایەوە بۆ شارهدهێی گۆڕهتووی سنووری قهزای مێرگهسۆر و لهوێ بهخاك سپێردران.
سەرچاوە:
ئەرشیفی دەستەی ئینسکلۆپیدیای پارتی پارتی دیموکراتی کوردستان.
