شەهید بەهرام حەکیم ئەسمەر دری لە ساڵی ١٩٤٤ لە گوندی دری هەرکی بنەجی ناحیەی شێروان مەزن قەزای مێرگەسۆری پارێزگای هەولێر لەدایک بووە. خێزاندار بووە. ساڵى ١٩٧٥ دواى نسکۆى شۆڕشی ئەیلوول ئاوارەى وڵاتى تورکیا بووە و ساڵى ١٩٧٨ گەڕاوەتەوە ناوچە ئازادکراوەکانى ژێردەستى شۆڕش و ساڵى ١٩٨٨ ئاوارەى وڵاتى ئێران بووە لە ئۆردوگاى زێوە نیشتەجێ بووە. ساڵى ١٩٩٣ گەڕاوەتەوە باشوورى کوردستان.
ساڵی ١٩٦٣ پەیوەندى بە هێزی پێشمەرگەى شۆڕشی ئەیلوول کردووە و بۆتە پێشمەرگە، بەشدارى شەڕەکانى چیاى زۆزک و سەرتیز و گەروى عومەرئاغاى کردووە و ساڵى ١٩٧٧ دووبارە پەیوەندى بە هێزى پێشمەرگەى شۆڕشی گوڵان کردووەتەوە و بوەتە پێشمەرگە. ساڵى ١٩٩١ وەک پێشمەرگە بەشدارى ڕاپەڕینى خەڵکى باشوورى کوردستانى کردووە، ساڵى ١٩٩٣ لە سوپاى بارزان بۆتە پێشمەرگە و بەشدارى شەڕە داسەپێنراوەکانى سەر باشوورى کوردستانى کردووە. ساڵى ١٩٩٧ لە دەڤەرى مزوورى باڵا لە گوندى مێرۆز لەلایەن چەکدارانى پەکەکە شەهید کراوە و لە گۆڕستانى گوندى سارداوى ناحیەى مەزنێ بەخاک سپێردراوە.
سەرچاوە:
١- ئەرشیفى دەستەی ئینسکلۆپیدیاى پارتى دیموکراتى کوردستان.
