بادین جەوهەر ڕەشید موکی مزوری، ساڵی ١٩٦٠ لە گوندی موکا سەر بە ناوچەی مزوری بالا سەر بە ناحیەی شێروان مەزن قەزای مێرگەسۆری پارێزگای هەولێر لە دایک بووە، خێزاندار بووە، ساڵی ١٩٧٨ لە لایەن رژێمی بەعسی دەگوازرێنەوە بۆ ئوردۆگای گورەتووی قەزاى مێرگەسۆر، ساڵی ١٩٨١ ئاوارەی وڵاتى ئێران بووە و لە ئۆردوگاى زێوە نیشتەجێ بووە. ساڵى ١٩٩١ دواى ڕاپەڕینى جەماوەرى باشوورى کوردستان گەڕاوەتەوە باشوورى کوردستان.
ساڵى ١٩٨١ پەیوەندى بە هێزى پێشمەرگەى شۆڕشی گوڵان کردووە و لە هێزى بارزان بۆتە پێشمەرگە، ساڵى ١٩٨٨ بەشدارى داستانى خواکوڕکى کردووە، ساڵى ١٩٩٢ لە سوپاى بارزان بۆتە پێشمەرگە و بەشدارى شەڕەکانى بەرگرى کردن لە سەروەرى یاسا کردووە.
ساڵى ١٩٩٨ لە گوندى موسەکاى سەر دەڤەرى مزورى باڵا لەلایەن چەکدارانى پەکەکە شەهید کراوە.
سەرچاوە:
ئەرشیفى دەستەی ئینسکلۆپیدیای پارتى دیموکراتى کوردستان.
