ئیبراهیم محەمەد سلێمان لە ساڵی 1963 لە گوندی ولێسمتی لە بنکەی چیای سورێن لە ناحیەی سەیدسادق سەر بە پارێزگای سلێمانی لە دایکبووە؛ سەرەتا گوندنشین بووە و لە قۆناغە سەرەتاییەکانی قوتابخانەی سەرەتایی لە گوندەکەدا خوێندوویەتی. دوای شکستی شۆڕشی ئەیلول، ڕژێمی عێراق لەو سەردەمەدا گوندەکانی ئەو ناوچەیەی وێران کرد و خەڵکەکەی ناچار کرد بەسەر چەند کەمپێکی ژێر دەسەڵاتی خۆیدا دابەش بکرێن، بۆیە ئیبراهیم محەمەد دانیشتووی کەمپی شانێری نزیک سەیدسادق بوو.
لە ساڵی 1981 لە لایەن ئەنوەر حاجی عوسمان کە سەر بە هێزی سورێنی کۆمیتەی ناحیەی دەربەندیکان سەر بە لقی چواری پارتی دیموکراتی کوردستان بوو بە پێشمەرگە، بەشداری شەڕی ڕەزڵە و پارازان و شەڕی بەڵخا و چالاکییە پارتیزانییەکانی دەشتەکانی شارەزوور و شەڕی ناڵپارێز و شەڕی کەولۆز دەکات.
لە مانگی تەمموزی ساڵی 1983 لەگەڵ کۆمەڵێک لە هەڤاڵانی بە فەرماندەیی ئەنوەر حاجی عوسمان، دوای ئەنجامدانی چالاکیەکی حزبی لە دەشتی شارەزوور، پێشمەرگە بۆ ماوەی چەند ڕۆژێک بەسەر ماڵەکانی کەمپی شانێری بڵاوەپێدەبێت بۆ ئاساییکردنەوەی دۆخەکە، بەڵام ئیبراهیم محمد سلێمان لەلایەن سەرکردەیەکی جاشەوە دەستگیر دەکرێت و ڕادەستی ئاسایشی سەیدسادق دەکرێت، دواتر گواسترایەوە بۆ دەستەی کەرکوک شار و دوای حەوت مانگ ڕەوانەی زیندانی ئەبوغرێب کرا و لە شوباتی ساڵی ١٩٨٤ لە سێدارە درا و شەهید بوو.
سەرچاوە:
ئەرشیفی ئینسایکلۆپیدیای Kdp
