سیاسەتمەدار هیوا ئەحمەد مستەفا ناسراو بە هیوا .ع.م، ح.لاوک، سوارە، باوکی بیزاف) لە ساڵی ١٩٩٢ پەیوەندی بە ڕیزەکانی حزبەوە کردووە، نوێنەری ئەو حزبە بووە لە کۆنگرەی یازدەهەم (١٩٩٣) و دوانزەهەمین (١٩٩٣). ساڵی ٢٠١٠ لە کۆنگرەی سێزدەهەمدا بە ئەندامی ئەنجومەنی سەرکردایەتی پارتی دیموکراتی کوردستان هەڵبژێردرا. ساڵی 2010 سەرۆکی لیژنەی لقی چواری سلێمانی بووە و لە ساڵی 2017 بووەتە سەرۆکی لقی بیست و چواری سەفین.

ژیاننامە 

هیوا ئەحمەد مستەفا لە ساڵی 1969 لە قەڵادزێ لە پارێزگای سلێمانی لەدایک بووە، لە ساڵی 2017 بڕوانامەی بەکالۆریۆسی لە زمانی عەرەبیدا بەدەستهێناوە. زمانی کوردی و عەرەبی و فارسی دەزانێت.

بیرەوەری خەبات 

هیوا ئەحمەد مستەفا لە ساڵی 1992 پەیوەندی بە ڕیزەکانی حزبەوە کردووە و لە هەمان ساڵدا بە پلەی کاپتن بووە بە بەڕێوەبەری ئاسایشی شاری ڕانیە. ساڵی 1993 وەک کارگێڕی کۆمیتەی لقی یازدەی پارتی دیموکراتی کوردستان دەستنیشان کراوە.

نوێنەری کۆنگرەی یازدەهەم (1993) و دوانزەهەمین (1999)ی حیزب بووە و لە ساڵی 2010 لە کۆنگرەی سێزدەدا بە ئەندامی ئەنجومەنی سەرکردایەتیی پارتی دیموکراتی کوردستان هەڵبژێردراوە، لە کۆنگرەی چواردەهەمیشدا لە ساڵی 2022 وەک ئەندامی کۆمیتەی ناوەندی هەڵبژێردراوە و لە یەکەمین کۆبوونەوەی کۆمیتەی سەرکردایەتیدا، بە ئەندامی سیاسی هەڵبژێردراوە مەکتەبی پارتی دیموکراتی کوردستان و بوو بە بەرپرسی مەکتەبی ناوەندیی ڕێکخراوە گشتی و پیشەییەکانی حیزب.

ساڵی 2001 ڕاوێژکاری سیاسی وەزیری ناوخۆ بووە لەکابینەی چوارەمی حکومەتی هەرێمی کوردستان و لە ساڵی 2004 بە پلەی عەمیدی گشتی بەرپرسی ئاسایشی لقی سێی کەرکوک و لقی پانزەی خانەقین و لقی بیست و دووی گەرمیان و لقی نۆزدەی چەمچەماڵ بووە.

ساڵی 2010 بەرپرسی لیژنەی لقی چواری سلێمانی بووە و لە ساڵی 2017 بەرپرسی لقی بیست و چواری سەفین بووە.

سەرچاوەکان:

• ئەرشیفی دەستەی ئینسکلۆپیدیای پارتی دیموکراتی کوردستان.