لە کۆمەڵەدا بگەڕێ، بە پۆل، زمان، و بەرواری بڵاوکردنەوە پاڵاوتن بکە.
٢٬٣٨٧ ئەنجام
ساڵی ١٩٦٩ زنجیرەیەک هێرش لەلایەن هێزی پێشمەرگەوە کرایە سەر ئەو سەربازگە و ناوچانەی کە سوپاى عێراق و هێزەکانی سەر بە مەكته‌بی سیاسی کۆن داگیریان کردبوو، هێرشکردنە سەر سەربازگەی دووکان لەلایەن هێزی پێشمەرگەوە شەوی ١٩-٢٠ی ئەیلوولی ١٩٦٩ یەکێک بوو لە زنجیرە هەڵمەتانەی کە هێزی پێشمەرگە بەسەر سوپاى عێراقدا سەپاندیان، توانییان سەربازگەکە کۆنترۆڵ بکەن و بۆ ماوەیەک تێیدا بمێننەوە، ئەوەش بووە هۆی ئەوەی زیانی گیانی و ماددیی زۆر بە سوپاى عێراق بگەیەنن.
فەرماندە حەسۆ مەحمود بابەکر، ناسراو بە حەسۆ کانیلنجی، پێشمەرگەی شۆڕشی ئەیلوول و گوڵان و ڕاپەڕین، ساڵی ١٩٥٩ پەیوەندی بە ڕیزەکانی هێزی پێشمه‌رگه کردووە، هەڵگری مەدالیای بارزانی نەمرە.
شەڕی دوازدە ملانی یەکێک بوو لە چالاکییەکانی شەڕی پارتیزانیی هێزی پێشمەرگەی سنووری ناوچەی بادینان، کاتێک هێزێکی هاوبەشی ڕێکخراوی ڕەنجدەران و ڕێکخراوی شەهید حەمید، کە سەر بە لێژنەی ناوچەی زاخۆی پارتی دیموكراتی كوردستان بوون، هێرشیان کردە سەر ڕەبەیەکی سەربازی لە نزیک زاخۆ، هێزەکە لە ماوەیەکی کەمدا توانییان دەست بەسەر ڕەبەکەدا بگرن و گورزێکی بەهێز لە سەربازانی ڕەبەکە بوەشێنن، پاشان هێزی پێشمەرگەی هێرشبەر دەستیان بەسەر چەک و تەقەمەنی و کەرەستەی جۆراوجۆری سەربازیدا گرت و هێزەکە بە سەلامەتی گەڕانەوە شوێنی خۆیان.
لە زنجیرە شەڕ و چیرۆکەکانی شۆڕشی ئەیلوول، شەڕی تەنگەی زاخۆ بە یەکێک لەو شەڕە گرنگانە دادەنرێت کە هەماهەنگییەکی توندوتۆڵی لە نێوان ڕێکخستنەکانی پارتی دیموکراتی کوردستان لە ناو ڕیزەکانی سوپاى عێراق و گەیاندنی زانیاری بە فەرماندەکانی پێشمەرگە بەخۆیەوە بینی.
سیاسەتمەدار و قانونی سەربەست لەزگین عەبدولڕەحمان عەبدولقادر، ناسراو بە (سەربەست لەزگین و سەربەست سەندوری)، ساڵی ١٩٨٠ پەیوەندی بە پارتی دیموکراتی کوردستانەوە کردووە، ساڵی ١٩٨١ چۆتە ڕیزەکانی هێزی پێشمه‌رگه، نوێنەری کۆنگرەکانی (دەیەم ١٩٨٩) و (یازدەیەم ١٩٩٣) و (دوازدەیەم ١٩٩٩)ی پارتی دیموکراتی کوردستان بووە، لە کۆنگرەی سێزدەیەم ساڵی ٢٠١٠ بە عضو کمیته‌ی ناوه‌ندی پارتی دیموکراتی کوردستان هەڵبژێردراوە، ساڵی ٢٠١٧ لە کابینەی هەشتەمی حکومەتی هەرێمی کوردستان بە بریکاری وەزیری پێشمەرگە دانراوە.
محەمەد ئەبووزەید عیسا ئەبووزەید ناسراو بە (محۆ گەودا) پێشمەرگەی شۆڕشی ئەیلوول و گوڵان، ساڵی ١٩٦٤ چۆتە ڕیزەکانی پێشمەرگە، ساڵی ١٩٨٩ لە سێدارە دراوە.
شەڕی گەلی سەنگەسەر لە پایزی ١٩٧٤ ڕوویدا کاتێک سوپاى عێراق ویستی هێرش بکاتە سەر شاری قەڵادزێ و کۆنتڕۆڵی بکات، هێزی پێشمەرگە ڕێوشوێنی سەنگەرگرتن و خۆبەهێزکردنیان گرتەبەر و شەڕ و پێکدادانەکان بۆ ماوەی دە ڕۆژ بەردەوام بوو، سوپا لە کۆتاییدا توانی بەسەر بەرگریی پێشمەرگەدا زاڵ بێت و لە ١٩ی ئابدا چووە ناو شاری قەڵادزێ و کۆنتڕۆڵی کرد.
کردەوەیەکی فیدایی بوو کە لەلایەن هێزێکی پێشمەرگەوە لە یەکێک لە شەوانی تشرینی دووەمی ١٩٨١ ئەنجامدرا، کاتێک هێرشیان کردە سەر ڕەبایەکانی گەری ئیسفکا لە ناوچەی بەرواری باڵا، بە خێرایی دەستیان بەسەردا گرت و ژمارەیەک لە سەربازانی ڕەبایەکەیان کوشت و دەستیان بەسەر چەک و تەقەمەنی و کەرەستەی سەربازیدا گرت، پاشان شوێنەکەیان بەجێهێشت و گەڕانەوە بۆ بنکەکانیان.
شەهید عوسمان شەریف فەتحوڵڵا، دوای نسکۆی شۆڕشی ئەیلوول پەنای بۆ ئێران برد، کادر و پێشمەرگەی شۆڕشی گوڵان و ڕاپەڕینی جەماوەری خەڵکی کوردستان بوو، لە ماوەی خەباتیدا لە ڕیزەکانی پێشمەرگەدا جارێک بریندار بووە، ساڵی ١٩٩١ لە کاتی ئازادکردنی شاری کەرکوک لە نزیک پردی خاسە بە گوللەی سەربازانی ڕژێمی بەعس شەهید بووە.
شەهید حەمە ڕەشید محەمەد عەبدولڕەحمان، پێشمەرگەی هەردوو شۆڕشی ئەیلوول و گوڵان بوو، ساڵی ١٩٧٩ لە کاتی ڕووبەڕووبوونەوەی لەگەڵ سوپای عێراق لە ناوچەی هەڵەبجە لەگەڵ ژمارەیەک لە هاوڕێکانی دەستگیرکرا، کە دوای سێ مانگ لە دەستگیرکردنیان لە سێدارە دران و شەهید بوون، ئەو یەکێکە لە شەهیدە بێ گۆڕەکان.
عەبدولموهەیمەن بارزانی لە شاری هەولێر لە ١٥ی تەمموزی ١٩٤٥ لەدایکبووە، لە بنەماڵەی شێخایەتی تەکیەی بارزانە و لە شوێنکەوتووانی مەولانا خالیدی نەقشبەندییە (١٧٧٩-١٨٢٧)، کوڕی شێخ سولەیمان شێخ عەبدولسەلام بارزانی دووەمە کە لەگەڵ سەرۆک بارزانی لە ڕێپێوانەکەیدا بۆ یەکێتی سۆڤیەت لە ساڵی ١٩٤٧ بەشدار بووە، ئەندامی سەرکردایەتی باشوور- ڕۆژهەڵاتی کوردستان (کۆنفرانسی باکو)...
هاشم عەزیز ئەحمەد، ناسراو بە هاشم میرۆزی، فەرماندە و پێشمه‌رگه‌ی شۆڕشی بارزانی دووەم و ئەیلوول، لە ساڵی ١٩٤٥ چووەتە ڕیزی شۆڕشی بارزانی دووەم، و لە ساڵی ١٩٦١ بووەتە یەکێک لە پێشمه‌رگه‌کانی شۆڕشی ئەیلوول، لە ١٠ی ئایاری ١٩٦٥ لەسەر چیای ئەتروش شەهید بووە.
