مستەفا جەعفەر یوسف، ناسراو به (سه‌ید مسته‌فا بنه‌كاولی)، له ساڵی ١٩٣٣ له‌گوندی بنه‌كاولی دۆڵی ئاكۆیانی سه‌ر به قه‌زای ڕواندز له‌دایكبووه.
خهباتنامهسهید مسته‌فا بنه‌كاولی له ساڵی ١٩٦١ له‌گه‌ڵ په‌یوه‌ندیكردنی به شۆڕشی ئەیلوول ده‌بێته ئه‌ندام له ڕێكخستنه نهێنیه‌كانی پارتی دیموکراتی کوردستان، وه‌كو پێشمه‌رگه‌یه‌كی دلێر و بوێر هه‌ر زوو جێگای خۆی ده‌گرێت و تا پله‌ی سه‌رلق له به‌تالیۆنی هه‌ندرێنی هێزی باڵه‌ك پله‌ی سه‌ربازی ده‌بڕێت، ئه‌مه‌ش بۆ ئازایه‌تیی شه‌هید له‌و داستانانه ده‌گه‌ڕێته‌وه كه له شۆڕشی ئەیلوول به‌شداری كردوون، ته‌نانه‌ت له داستانی هەندرێن ١٩٦٦ یه‌كه‌م كه‌س بووه هێرشی بۆ سه‌ر ڕه‌بایه‌ی كه‌پكه‌موو بردووه و به له‌ناوبردنی دوژمن له‌و ڕه‌بایه ترس ده‌كه‌وێته نێو هێزی دوژمن و به ته‌واوی چیایه‌كه به‌رده‌ده‌ن و گه‌وره‌ترین سه‌ركه‌وتن بۆ هێزی پێشمه‌رگه تۆمار ده‌كه‌ن.
مسته‌فا له داستانه‌كانی ئه‌و سه‌رده‌م وه‌كو كۆڕه‌ك، داره‌هیشك، ئارمووشه، گه‌لی عه‌لی به‌گ و...ئیدی چالاكانه ڕۆڵی خۆی ده‌بینێت، دواجار له ئه‌نجامی بۆردومانی باره‌گایه‌كه‌یان له ٥ی کانوونی دووەمی ١٩٧٥ كه ده‌كه‌وته گوندی به‌رسیرینی سه‌ر به قه‌زای ڕواندز شه‌هید ده‌بێت، ته‌رمه‌كه‌ی ده‌گوازرێته‌وه بۆ گۆڕستانی گوندی ئاكۆیان و به‌خاك ده‌سپێردرێت.
سەرچاوە:ئەرشیفی دەستەی ئینسکلۆپیدیای پارتی پارتی دیموکراتی کوردستان.
