لەدایکبووی زەعیم عەلی لە شاری هەولێر لە ساڵی ١٩٤٩، قۆناغەکانی خوێندنی سەرەتایی و ناوەندی و ئامادەیی لە شاری هەولێر تەواو کردووە، لەسەر لیستی پارتی دیموکراتی کوردستان لە کۆلێژی سەربازی لە شاری به‌غدا وەرگیراوە، بڕوانامەی بەکالۆریۆسی لە زانستە سەربازییەکان بەدەستهێناوە و بە پلەی ملازم دووەم لە ساڵی ١٩٧٢ دەرچووە، لە ساڵی ٢٠٠٤ پلەی فەریق یەکەمی پێ بەخشراوە، و لە ساڵی ٢٠٠٥ بووەتە ڕاوێژکاری سەربازی بۆ سەرۆکی کۆماری عێراق جەلال تاڵەبانی (١٩٣٣-٢٠١٧)، مناصبی وەزیر-ی کاروباری پێشمەرگە-ی لە کابینەی سێیەم ١٩٩٦ و چوارەم ١٩٩٩ی حکوومەتی هەرێمی کوردستان وەرگرتووە، زمانەکانی کوردی، عەرەبی و فارسی دەزانێت.
لاپەڕەکانی خەباتپەیوەندی کردووە زەعیم عەلی بە پارتی دیموکراتی کوردستان لە ساڵی ١٩٦٢، فەرماندە-ی پێشمەرگەی ناوچەی باڵەکایەتی بووە لە ساڵی ١٩٧٤، و لە ساڵی ١٩٧٥ دوای نسکۆی شۆڕشی ئەیلوول پەنای بۆ ئێران بردووە، و لە ساڵی ١٩٧٦ بەرەو کۆماری عەرەبی سووریا چوو، و لە ساڵی ١٩٧٧ وەک فەرماندە بەرەو ناوچە ئازادکراوەکانی شۆڕشی گوڵان چوو.
لە کۆنگرەی نۆیەم لە ساڵی ١٩٧٩ و لە کۆنگرەی داهەم لە ساڵی ١٩٨٩ و لە کۆنگرەی یازدەیەم لە ساڵی ١٩٩٣ بە عضو کمیته‌ی ناوه‌ندی پارتی دیموکراتی کوردستان هەڵبژێردراوە، و لە کۆنگرەی دوازدەیەم لە ساڵی ١٩٩٩ بە عضو کمیته‌ی ناوه‌ندی و پاشان بە ئەندامی مەکتەبی سیاسی پارتی، و لە کۆنگرەی سێیەم لە ساڵی ٢٠١٠ بە ئەندامی ئەنجومەنی سەرکردایەتی هەڵبژێردراوە و لە یەکەم کۆبوونەوەی ئەنجومەنەکەدا دیسان بە ئەندامی مەکتەبی سیاسی هەڵبژێردراوە، لە کۆنگرەی چوارمی لە ساڵی ٢٠٢٢ بە عضو کمیته‌ی ناوه‌ندی هەڵبژێردراوە، و لە یەکەم کۆبوونەوەی کمیته‌ی ناوه‌ندی پارتی دیموکراتی کوردستان بە ئەندامی مەکتەبی سیاسی هەڵبژێردراوە.
چەندین ئەرک و بەرپرسیارێتی لە کاتی کارکردنیدا لە ڕیزەکانی پارتی دیموکراتی کوردستان وەرگرتووە، لەوانە: بەرپرسی لقی دوو ١٩٨٣، ئەندامی کمیته‌ی سەرکردایەتی سەربازی هێزەکانی بەرەی جود ١٩٨٣، بەرپرسی میحوەر-ی بادینان ١٩٨٦، ئەندامی کمیته‌ی پشکنینی ناوەندی ١٩٨٨، یەکێک لە فەرماندەکانی مەلحەمەی خواکورک ١٩٨٨، بەرپرسی یەکەمی لقی یەک ١٩٨٩، بەرپرسی بەشی سەربازی پارتی ١٩٩٠، بەرپرسی لقی نۆ ١٩٩٣، بەرپرسی لقی دوو ٢٠٠٠ و... هتد.
بەشداری لە ڕاپەڕینی باشووری کوردستان لە ساڵی ١٩٩١ کردووە و مناصبی وەزیر-ی کاروباری پێشمەرگە-ی لە کابینەی سێیەم ١٩٩٦ و چوارەم ١٩٩٩ی حکوومەتی هەرێمی کوردستان وەرگرتووە، و ئەندامی سەرکردایەتی گشتی هێزی پێشمه‌رگه‌ی کوردستان بووە لە ساڵی ٢٠٠٧.
مەدالیای بارزانی نەمر-ی لە ساڵی ٢٠١٠ لەلایەن سەرۆک مەسعود بارزانی پێ بەخشراوە بە ڕێزلێنان لە خزمەتە گەورەکانی لە شۆڕشی ئەیلوول و گوڵان، و قۆناغەکانی ڕاپەڕینی باشووری کوردستان و سەروەری.
سەرچاوە:ئەرشیفی دەستەی ئینسایکلۆپیدیای پارتی دیموکراتی کوردستان