فاروق حەمە عەلی فەرەج لە ساڵی 1970 لە گوندی نەوا لەدایکبووە، کە سەر بە قەزای خورماڵە لە پارێزگای هەڵەبجە. گوندنشینێک بوو لە کشتوکاڵدا کاری کردووە و قۆناغی سەرەتایی تەواو کردووە.
لە ساڵی 1991 لە سەردەمی ڕاپەڕینی جەماوەری خەڵکی کوردستان لە کۆمیتەی خۆجێیی عەربەت، سەر بە لقی چواری پارتی دیموکراتی کوردستان، پەیوەندی بە پێشمەرگەوە کردووە. بەرپرسی کۆمیتەی خۆجێی ئەوکات شەهید ئەکرەم حەمەعەلی بوو. بەشداری لە ئازادکردنی کەمپی باریکە و کەمپی جەلا و شاری هەڵەبجە و قەزای عەربەت و شاری سلێمانی و شاری کەرکووک کرد.
فاروق حەمە عەلی لە ٢٠ی ئازاری ١٩٩١دا بە سەختی بریندار بوو، دوای ئەوەی لە ناو بارەگای ئاسایشی گشتی لە کەرکوک تەپوتۆزی گوللەی لێدرا. گواستراوەتەوە بۆ نەخۆشخانەی شاری سلێمانی، بەڵام لە ١ی نیسانی ١٩٩١ لە ئەنجامی برینەکانی لە نەخۆشخانە گیانی لەدەستداوە و شەهید دەبێت.
سەرچاوە:
ئەرشیفی دەسەڵاتی ئینسایکلۆپیدیای پارتی دیموکراتی کوردستان
