شەهید عومەر کەریم فەتاح لە ساڵی 1947 لە گوندی حەسەن ئاوا کە سەر بە پارێزگای هەڵەبجە لەدایک بووە. گوندنشین بووە و لە بواری کشتوکاڵدا کاری کردووە. قۆناغی سەرەتایی تەواو کرد.
لە ساڵی 1963 لە کۆمپانیای فەرەج حاجی مەحمود کە سەر بە فەوجەکەی خەباتی پارتی دیموکراتی کوردستان بوو، لە ڕێگەی شانەی سەرەکی عەبدوڵڵا بەغدادی سەر بە ڕێکخراوی نورولی پەیوەندی بە ڕیزەکانی پێشمەرگەوە کرد.
عومەر کەریم فەتاح لە ساڵی 1963 لەگەڵ شەهید حەمە گوڵپی و ژمارەیەک لە هەڤاڵانی پێشمەرگە گەڕایەوە گوندی حەسەن ئاوا بۆ بەسەربردنی ماوەی پشوودان و دەستەبەرکردنی پێداویستییەکانیان. بەڵام هەر زوو دۆزرانەوە و هێزێکی زۆری ڕژێمی عێراق گەمارۆی گوندەکەیان دا. دوای پێکدادان لە نێوان هەردوولا، حەمە گوڵپی و بەشێک لە هەڤاڵەکانی توانیان هەڵبێن، بەڵام عومەر کەریم فەتاح و سێ لە هەڤاڵەکانی بە ناوەکانی کەریم فەتاح قادر و حاجی کەریم و ساڵح محەمەد عەلی لە دەروازەی گوندەکە لەلایەن سەربازانی ڕژێمی عێراقەوە تەقەیان لێکرا و دەستبەجێ شەهیدکران.
سەرچاوە:
ئەرشیفی دەسەڵاتی ئینسایکلۆپیدیای پارتی دیموکراتی کوردستان
