سەلاح محەمەد شەریف ناسراو بە سەڵاح حاجی شەریف، لە ساڵی 1955 لە گوندی وەڵا سامت کە سەر بە ناحیەی سەیدسادقە لە دایک بووە. گوندنشین بووە و لە بواری کشتوکاڵدا کاری کردووە. ساڵی 1977 لەلایەن ڕژێمی بەعسەوە دیپۆرتکرایەوە بۆ کۆمەڵگەی زۆرەملێی شانیر. هاوسەرگیری لەگەڵ مریەم فەتاح کردووە، باوکی دوو کوڕ و دوو کچە (ئاکۆ، شاهۆ، حەلیمە، چنۆر).

لە ساڵی ١٩٨٠ لە بارەگای هێزەکانی سورین کە سەر بە کۆمیتەی خۆجێیی لقی چواری پارتی دیموکراتی کوردستان بووە، پەیوەندی بە پێشمەرگەوە کردووە. مەلا عومەر بەنی بنوک لەو کاتەدا فەرماندەی هێزەکان بووە.

لە شەڕی ڕەزڵە و بارزان، لە شەڕی سەربەڵخا لە ساڵی 1982، لە شەڕی ئەحمەد ئاوا لە ساڵی 1987، هەروەها لە چالاکییەکانی شەڕی گەریلا لە دەشتی شارەزوور و دامێنی چیای سورین بەشداری کردووە.

لە ساڵی 1988 سەڵاح محەمەد و کۆمەڵێک لە هەڤاڵانی پێشمەرگەی بەکرێگیراوان (جاهوش)ی ڕژێمی بەعسی لەسەر پردی ئاوا ڕەشین لە دەشتی شارەزوور کەوتنە بۆسەیەکەوە. دوای ڕووبەڕووبوونەوە و پێکدادان لە نێوان هەردوولا، سەلاح محەمەد و دوو لە هەڤاڵانی پێشمەرگەی (تۆفیق ڕەحیم و جەلال پێنجوێنی) شەهید بوون.

سەرچاوە:

ئەرشیفی دەسەڵاتی ئینسایکلۆپیدیای پارتی دیموکراتی کوردستان