وەرگێڕان

لە کاتژمێر ٥:٤٠ خولەکی ڕۆژى ١٤/٣ هێزەکانمان هێرشێکى کەمەرشکێنیان کردە سەر پێگەکانى دوژمن لە (بانى نێرگزێ) کە دەکەوێتە نزیک دێرەبوون و پیشابور نزیک سنوورەکانى تورکیا و سوریا و لەدواى تۆپبارانکردنێکى چڕ، هێزەکانمان توانیان پێگەکانى دوژمن کۆنترۆڵ بکەن. هێرشەکە بە سەرکردایەتى فەرماندەى هێز و فەرماندەکان عەلی هالۆ، سەید عەبوش، یوسف عومەر، یوسف موسا و عەریف دەروێش ئەنجامدراوە. ئەنجامەکان بەم شێوەیە بوون. بەدیلگرتنى فەرماندەى سریە ملازم تاڵب حوسێن، بەڵام بەهۆى سەختیی برینەکەى لەگەڵ سەرباز عەبد ئەحمەد خەلیل بۆ وەرگرتنى چارەسەرى پزیشکیى ئازادکران. ٢٦ سەرباز لە نێوانیان عەریف سریە بەناوى یاسر مناحی کوژران و ژمارەیەک سەرباز بەدیلگیران. ٣٣ جاشى عەرەب کوژران و تەرمەکانیان لە گۆڕەپانى شەڕ جێما. دەسەڵاتدارانى تورکیا سەیرى شەڕیان دەکرد لەکاتى کۆنترۆڵکردنى پێگەکانى دوژمن لەلایەن هێزەکانمان. دەستکەوتەکانمان: ٢ هاوەنی ٢ و ٣ عقدە لەگەڵ ٢٠ بۆمب، چەکى ڕەشاش لە جۆرى بێرن لەگەڵ ٢٠ مەخزەن، ٤٠ تفەنگ، دووربینى سەربازیى، ٤ دەمانچەى ڕووناککردنەوە، ١٢ هەزار فیشەک، ئامێرێکى بێتەل ژمارە ٩ و یەکێکى تر ژمارە ١٠٥ ، ٨ پاترى، ٢٠٠ بەتانی و ١٢ تەنەکە ڕۆن لەگەڵ پێداویستى تر. تێکشکاندنى ٢ ئۆتۆمبێل لە جۆرى لۆری و ژمارەیەک خیوەت لەگەڵ تێکدانى بەربەستەکانى بەردەم بارەگای دوژمن. زیانەکانمان ٢ کەسمان بە سوکی برینداربوون.