دەقی نامەکە بە ڕێنووسی نوێ

خائینان ئەمڕۆ بە جارێ شەرمەزار و ملکەچن و قوڕبەسەر گەورە و بچووکیان بووە، تازە بۆ کوێ دەچن! بە ناوی ھەموو پێشمەرگەکانی ھێزی خەباتی کۆڵنەدەرەوە گەرمترین پیرۆزباییتان پێشکەش دەکەین بە بۆنەی ئەو ڕێککەوتنە مێژووییەی کە لەگەڵ حکومەت بە دەستتان ھێنا، بۆ وەرگرتنی مافە ڕەواکانی گەلی کوردمان لە شێوەی ئۆتۆنۆمی لە چوارچێوەی عێراقێکی دیموکراتی. ئێمەش وەک پێشمەرگەکانی ھێزی خەبات پەیمان تازە دەکەینەوە کە ھەتا دوا ھەناسەمان لە ژێر فەرماندەیی سەرۆکی خۆشەویستمان پارێزگاری لەم ڕێککەوتنە بکەین و بە دەستی پۆڵایین لەو کەسانە بدەین کە دژی دەوەستنەوە. ھەر بژی کورد و کوردستان و بژی ھێزی پێشمەرگە قارەمانەکان بە سەرکردایەتیی بارزانی مستەفا. نەمری بۆ شەھیدانی ڕێگای ڕزگاریی کوردستان و سەرشۆڕی بۆ خائینان و چڵکاوخۆران.