دەقی نامەکە بە ڕینووسی نوێ

بۆ/ بارزانی/ م.ت/ عەبدولوەھاب ئەتروشی/ گشت بارەگاکان لە/ هێزی قەرەداغ ژ/٥٨٦ لە/٢٧/٧/١٩٦٩ لە شەوی ٢٦/٢٧ی ٧ پێشمەرگە قارەمانەکانمان لە لقی قەرەداغ و لقی شارەزوور و لقی٤ی پ.د.ک و لقی١ی تایبەت لە بەتالیونی٤ بە سەرکردایەتیی تێکۆشەر خالید ڕەباتی و فەریق فەھمی و کاک عیزەدین ھێرشیان کردە سەر فنوکە لە ناوچەی شارەزوور کە تازە چەکی خیانەتیان ھەڵگرتووە دژی شۆڕشەکەمان و لە کۆتاییدا بارەگای جاشەکان سوتێندرا و خۆیان ھەڵاتن و پاش ئەوەی زۆرمان لێ کوشتن، دەستکەوتەکانمان بریتی بوون لە حەوت سەد سەر مەڕ و بزن و نۆ ڕەشە وڵاغ. ئێمە لەو شەڕەدا هیچ زیانێکمان نەبوو.