دەقی نامەکە بە ڕێنووسی نوێ

هەست دەکەم جەنابتان لە چۆنیەتی دابەشکردنی چەکەکان بەسەر ھێزی خەبات نیگەرانن و پێتانوایە زۆریان پێدراوە. جەنابتان ئاگادارن کە ژمارەی پێشمەرگەکانی ھێزی خەبات نزیکەی سێ هەزار پێشمەرگەیە و لە دوای تەواوبوونی دابەشکردنی چەک بەسەر کوردی باش و دڵسۆز زۆر پێویستە ھێزی خەبات بەهێز بکرێت، چونکە ھەر بەتالیۆنێک بەرەیەکی شەڕی تایبەتی ھەیە و جودا و دابڕاوە لەوانیتر. تا ئێستا دابەشکردنی چەک لە بەتالیۆنەکان تەواو نەبووە و ئەگەر دەفەرموون چەند چەکێکیان لێ وەردەگرینەوە، بەڵام باشتر وایە زۆر گرنگی بە ھێزی خەبات بدرێت، چونکە هەڵوێستیان دیارە. تکایە فەرمانتان.