ئەم پەرتووکە کۆکردنەوە و وەرگێڕانی وتاری کۆمەڵێک بڵاوکراوەیە لە چاپەمەنی ڕووسیادا، لە بارەی کەسایەتی ئەفسانەیی مەلا مستەفا بارزانی و شۆڕشی ئەیلوول لە نێوان ساڵانی (١٩٥٨-١٩٧٩)دا.

پەرتووکەکە بەپێی زنجیرەی مێژوویی ڕووداوەکان ڕێکخراوە کە لە دوو پێشەکی، وەرگێڕ و چاپی ڕووسی و وتاری ڕۆژنامەکان پێکهاتووە، بە گشتی بابەتی وتارەکان لە بارەی کەسایەتی مەلامستەفا بارزانی و خەباتی ڕزگاریخوازی نەتەوەیی باشووری کوردستان و چالاکییەکانی پارتی دیموکراتی کوردستان لە نێوان ساڵانی (١٩٥٨-١٩٧٩) لەخۆدەگرێت.