ئەم پەرتووکە توێژینەوەیەکی مێژووییە لە بارەی ژیان و ڕۆڵی سیاسی و ڕۆشنبیری هەژار موکریانی لە نێوان ساڵانی (١٩٢١-١٩٩١)دا، لە پێشەکییەک و سێ بەش و پاشکۆکان پێکهاتووە.

بەشی یەکەمی ئەم پەرتووکە تایبەتە بە ژیان و ڕۆڵی سیاسی تاکو ساڵی ١٩٨٥ و دوو تەوەر لەخۆدەگرێت، لەبارەی ژیان و سەرچاوەکانی پێگەیشتنی هزری سیاسی و چالاکییە سیاسییەکانە.

بەشی دووەمی باسی  چالاکییە سیاسییەکانی نێوان ساڵانی (١٩٥٩-١٩٩١) دەکات و دوو تەوەر لەخۆ دەگرێت، کە تیشک دەخاتە سەر چالاکییەکانی لە بەغدا لەنێوان ساڵانی (١٩٥٩-١٩٦٣)، گەڕانەوەی هەژار بۆ بەغدا و ئێران.

بەشی سێیەمی لە بارەی ڕۆڵی ڕۆشنبیری هەژار موکریانییە و لە سێ تەوەر پێکدێت کە باسی پاشخانەی ڕۆشنبیری، ڕۆژنامەنووسی و ڕاگەیاندن و بەرهەمەکانی دەکات.