ئەڤ پەرتووکە د بنەڕەتدا تێزەکا ئەکادیمییە ل سەر سیاسەتا ئەمریکا بەرامبەری دۆزا کوردی ل ئیرانێ د ناڤبەرا سالێن ١٩٦٠-١٩٨١دا، خواندنەکا مێژوویی و بەڵگەنامەییە، ژ پێشەکی و شەش پشک و پاشبەندا پێکهاتییە.
پشکا ئێکێ یا ڤێ پەرتووکێ ل سەر هەلوێستێ ئەمریکا ژ دۆزا کوردی ل ئیرانێ دناڤبەرا سالێن ١٩٤٣-١٩٥٩دایە و ژ سێ تەوەرا پێکدێت، کو بەحسا ئەمریکا و ڕوودانێن باژێرێ ئورمییه ل سالا ١٩٤٣، بارودۆخێن سياسيێن كوردان ل ئیرانێ ب دیتنا ئەمریکادا ل كانوونا دوویێ ١٩٤٣ تا ئادارا ١٩٤٧، پێشهاتێن دۆزا کوردی ل ئیرانێ د هەلوێستێن ئەمریکادا ل نیسانا ١٩٤٧-كانوونا ئێکێ ١٩٥٩، دکەت.
پشکا دووێ ل دۆر سیاسەتا ئەمریکا بەرامبەری دۆزا کوردی ل ئیرانێ د ناڤبەرا سالێن ۱۹٦۰-۱۹۷۲دایە و سێ تەوەرا ب خۆڤەدگریت، سیاسەتا ئەمریکا بەرامبەری پێشڤەچوونێن دۆزا کوردی ل ئیرانێ دناڤبەرا کانوونا دوویێ ١٩٦٠- چریا ئێکێ ١٩٦٣، پێشهاتێن سیاسیێن دۆزا کوردێن ڕۆژهەڵات و سیاسەتا ئەمریكا دناڤبەرا سالێن ١٩٦٤-١٩٦٨دا، کاریگەرییا پەیوەندیێن ئەمریکا و ئیرانێ ل سەر کوردێن ڕۆژهەڵات دناڤبەرا سالێن ۱۹٦۹-۱۹۷۲دا.
پشکا سیێ بەحسا پێشڤەچوون و ڕەنگڤەدانا دۆزا کوردی دناڤ پێشهاتێن ئیرانێ و سیاسەتا ئەمریکا دناڤبەرا سالێن۱۹۷۳-۱۹۷۸ دکەت، سێ تەوەرا ب خۆڤەدگریت ل سەر چارەنڤیسێ دۆزا کوردی د بن سیبەرا سیاسەتا ئەمریکادا دناڤبەرا سالێن ۱۹۷۳ تا ۱۹۷۱، سیاسەتا ئەمریکا بەرامبەری کاریگەرییا دۆزا کوردی ل سەر ڕەوشا سیاسییا ئیرانێ ل سالا ۱۹۷۷، بەشدارییا کوردان د شۆرەشا گەلێن ئیرانێدا و ڕەنگڤەدانا دۆزا کوردی د هەلوێست و سیاسەتا ئەمریکادا ل سالا ۱۹۷۸.
پشکا چارێ ل سەر سیاسەتا ئەمریکا بەرامبەری دانوستاندن و پێشهاتێن سیاسی ل ڕۆژهەڵاتا کوردستانێ دناڤبەرا کانوونا دوویێ تا ۲۲ێ تەباخا ۱۹۷۹دایە و ژ سێ تەوەرا پێکدێت، کو بەحسا شەڕ و دانوستاندنێن ئۆتۆنۆمییێ دناڤبەرا کورد و حکومەتا ئیرانێدا و سیاسەت و هەلوێستێن ئەمریکا د کانوونا دووێ-ئادارا ۱۹۷۹، پێشهاتێن هەولێن کوردان یێن حوکمێ خۆبڕێڤەبرنێ دگەل دەستهەڵاتا نوی یا ئیرانێ و سیاسەتا ئەمریکا ل نیسان-گولانا ١٩٧٩، بارودۆخێ بزاڤێن کوردان یێن ب دەستڤەهینا مافێن خۆ یێن نەتەوەیی دگەل حکومەتا ئیرانێ و سیاسەتا ئەمریکا ل حزیرانێ تا ۲۲ێ تەباخا ۱۹۷۹، دکەت.
پشکا پێنجێ بەحسا هەلوێست و سیاسەتا ئەمریکا بەرامبەری پێشهاتێن سیاسی ل ڕۆژهەڵاتا کوردستانێ ل ۲۳ێ تەباخێ تا كانوونا ئێکێ یێ ۱۹۷۹ دکەت و سێ تەوەرا ب خۆڤەدگریت، سیاسەتا ئەمریکا بەرامبەری دانوستاندنێن کوردان و ڕژێما نوی یا ئیرانێ ل ۲۳-۳۱ێ تەباخا ۱۹۷۹، سیاسەتا ئەمریکا دناڤ هەولێن ئاشتییێ دناڤبەرا تاران و کورداندا ل ئەیلوولێ-چریا ئێکێ یا ۱۹۷۹، قۆناغا دووماهییێ ژ شەڕ و دانوستاندنێن کوردان دگەل حکومەتا ئیرانێ و سیاسەتا ئەمریکا د چریا دوویێ-کانوونا ئێکێ یا ۱۹۷۹.
پشکا شەشێ ل سەر سیاسەتا ئەمریکا بەرامبەری دۆزا کوردی ل ئیرانێ دناڤبەرا سالێن ۱۹۸۰-۱۹۸۱دایە و سێ تەوەرا ب خۆڤەدگریت کو بەحسا بزاڤا نەتەوایەتییا کوردی ل ئیرانێ و سیاسەتا ئەمریکا بەرامبەری ئەوێ د کانوونا دووێ- تیرمەها ۱۹۸۰، دۆزا کوردی دناڤبەرا گۆڕانکارییێن سیاسەتا ئیران و ئەمریکادا ل تیرمەها-چریا دوویێ یا ساڵا ۱۹۸۰، شكەستنا بزاڤا نەتەوایەتییا کوردێن ڕۆژهەڵات و سیاسەتا ئەمریکا ل کانوونا ئێکێ ۱۹۸۰ -چریا دوویێ ۱۹۸۱، دکەت.
داگرتن (پی دی ئێف) ئۆنلاین بیخوێنەرەوە