ئه‌م په‌رتووكه‌ ژماره‌ی ١٨ی زنجیره‌ په‌رتووكه‌كانی (٦٠ساڵیا شۆڕه‌شا ئه‌یلوولێ (١٩٦١-١٩٧٥))ه‌ كه‌ به‌ دوو زمانی كوردی و عه‌ره‌بییه‌ و جگه‌ له‌ پێشه‌كی نووسه‌ر، له‌ پێشه‌كی وه‌رگێڕ و په‌یڤی دكتۆر كامه‌ران عالی به‌درخان و وێنه‌ و پێرستی وێنه‌كان پێكهاتووه‌.

به‌ گشتی ئه‌م په‌رتووكه‌ له‌ باره‌ی سه‌ردانی تیمێكی ڕۆژنامه‌نووس و وێنه‌گری ئه‌ڵمانییه‌ بۆ كوردستان له‌ ساڵی ١٩٦٣ بۆ كۆكردنه‌وه‌ی وێنه‌ و نووسینی ڕاپۆرت و به‌دیكۆمێنتاركردنی فیلم له‌سه‌ر ڕه‌وشی سیاسی كوردستان كه‌ شه‌ڕی ده‌وڵه‌تی عێراق به‌ چه‌كی پێشكه‌وتوو و به‌به‌شداری هه‌زاران سه‌رباز به‌رامبه‌ر به‌ گرووپێكی بچووكی وه‌ك پێشمه‌رگه‌ی كورد به‌ چه‌كی سووك و به‌بێ پاڵپشتی وڵات یان هێزێك.