Nêrînek li ser Şoreşa Eylûlê

Ev pirtûk ya sêzdehemîn e di rêzepirtûkên (60 sal li ser Şoreşa Eylûlê (1961-1975)). Ji bilî pêşgotinê, ji peyveke ku Muslih Hemze nivîsandiye, bi du beşan û pêvekekê pêk tê. Bi giştî pirtûk behsa çawaniya destpêkirina Şoreşa Eylûlê, sedemên wê, guhertinên ku li Kurdistanê Îraqê çêkirine û qonaxên ku Şoreşa Eylûlê derbas bûne dike. Beşa yekem a pirtûkê qonaxên Şoreşa Eylûlê û destkeftiyên wê vedibêje, ku qonaxa yekem ji 11ê Eylûla 1961an heta dawiya desthilata Ebdulkerîm Qasim di 8ê Sibata 1963an de, qonaxa duyem bi gihîştina Be'siyan bo desthilatê û destpêkirina danûstandinan bi serkirdayetiya şoreşê û destpêkirina şer, qonaxa sêyem ku tê de danûstandin bi hikûmeta Ebdulselam Arif re hatin kirin û wek destkeftiyek ji bo şoreşê hat dîtin. Qonaxa çarem a danûstandinan bi hikûmeta Bezzaz re û ragihandina daxuyaniya 29ê Hezîranê, qonaxa pêncem destkeftiyeke mezin wek peymana 11ê Adarê tîne bîr, û qonaxa şeşem hilweşîna peymana 11ê Adarê û pêketina şer careke din tîne bîr. Beşa duyem a vê pirtûkê behsa Şoreşa Eylûlê li herêma Badînan ji aliyê tenduristî, Serbaz, rêxistina partî û Civakî, derketina Be's, dema şoreşê û koçberiyê li herêmê dike.