Di koleksiyonê de bigere, bi kategorî, ziman, û dîroka weşanê parzûn bike.
2.343 encam
Ev melbend di 19ê Hezîrana sala 1974an de li çiyayê Ezmer qewimî, bajarê Silêmaniyê wê demê beşek ji herêmên di bin kontrola Artêşa Iraqê de bû, lê artêşê nedikarî bi dilê xwe tevbigere an ti çalakiyeke leşkerî pêk bîne, lewra planek ji bo êrîşkirina ser çiyayê Ezmer danî, ku Hêzên Pêşmerge tê de xwe bi cih kiribûn, û tevî ku artêşê karî çiya kontrol bike, lê rastî ziyanên mezin ên canî û madî hat.
Dema ku Beasiyan cara duyemîn desthilat li Îraqê girtin destê xwe, yek ji planên wan ên dijminane bidawîkirina şoreşa Kurd bû. Ji bo cîbicîkirina ajendaya xwe di sala 1969an de bi hevkariyê û piştevanîya koma Ofîsa Siyasî ya kevin, êrîşeke berfireh li ser herêmên Şoreşa Eylûlê kirin, lê serkirdayetiya şoreşê bi plan û rêxistineke xurt, li hember wan sekinîn û hemû planên wan ên leşkerî têk birin.
Şivan Mîrxan Badîn Dûrî sala 1945an li gundê Dûrî yê herêma Barzan a ser bi qezaya Mêrgesorê ji dayik bûye, ew kurê Mîrxan Dûrî ye ku di Şoreşa Barzan (1943- 1945) de beşdar bûye, û yek ji hevalên Barzanî yê Nemir di Komara Kurdistan a Demokratîk de bû, û piştî hilweşîna Komara Kurdistanê di dema şerên herêma Şino û eniya şer li Merkûr di 25ê Adara 1947an de Şehîd bûye, û yek ji birayên wî ku Mela Mîrxan bû Barzanî heta Rûsyayê hevaltiya wî kiriye.
Fermande Babekir Mehmûd Huwêz, ku bi Babekir Pêşderî tê naskirin, sala 1961an tevlî refên Pêşmergeyên Eylûlê bû, endamê Komîsyona rêxistinên Sengser - Beşa Serbazî bû, sala 1991an nûnerê Serok Mesûd Barzanî li Pêşder û Bêtwên bû.
Şerê Serî Senatî yek ji çalakiyên serbazî yên hêzên Pêşmergeyên Kurdistanê li Serî Senatî li navçeya Mêjûlya li Behdînanê bû, ku hêzên Pêşmerge êrîşî baregeha seriyeke Artêşa Iraqê kirin, û piştî demekê kurt ji şerekî germ kontrola baregeha Artêşa Iraqê kirin, û hejmarek ji leşkeran kuştin û dest danîn ser hejmareke mezin ji çekên giran û sivik, û piştî pêkanîna armanca êrîşê, hêzên Pêşmerge navçe bicîh hiştin û vegeriyan cihê xwe li Heftaninê.
Faris Mihemed Emîn Huseyn Qadir sala 1952an li gundê Rûst ser bi nahiyeya Simêlan li qeza Çoman li parêzgeha Hewlêrê ji dayik bûye, sala 1974an tevlî refên hêzên Pêşmergeyên ser bi Şaxa Yekem a Partî bû û Mihemed Me'rûf berpirsiyarê wî bû.
Ev komkujî di havîna sala 1963an de li parêzgeha Silêmaniyê di dema desthilatdariya rejîma Be'sî de qewimî, rejîma ku bawer dikir eger êrîşeke berfireh bîne ser Kurdistanê, wê Şoreşa Eylûlê di demek kurt de biqedîne û kontrola tevahiya Kurdistanê bi dest bixe. Tevî ku dest bi tepeserkirin û qirkirina bêgunehan li Silêmaniyê kir, ne tenê têk çû, lê di hemû êrîşên xwe yên li ser Çiyayê Ezmer de jî bi ser neket.
Şehîd Esed Wesîn Xefûr, kadroyekî rêxistinên Partiya Dêmokrata Kurdistanê bû, ji girtiyên siyasetmedar bû, Pêşmergeyê raperîna girseyî ya gelê Kurdistanê bû, carekê di dema têkoşîna xwe ya di nava refên Pêşmerge de birîndar bû, sala 1991ê li ber deriyê saziya ewlehiyê (Emnê Sûreke) di dema rizgarkirina bajarê Silêmaniyê de Şehîd bûne.
Ev şer di hezîrana 1974an de nêzîkî gundê Ferjawê qewimî, dema ku Artêşa Iraqê êrîşî herêma Germiyanê kir û xwest herêmê dagir bike û vegerîne bin kontrola hikûmetê. Hêzên Pêşmerge li hemberî wan sekinîn û rê li ber pêşveçûna wan girtin. Hêzên Pêşmerge di vî şerî de karîn ziyanên mezin bigihînin Artêşa Iraqê û ji bo demekê rê li ber pêşveçûna wan bigirin.
Artêşa Iraqê di 4ê tebaxa 1963an de êrîşî gundê Bawe Xoşîn ê nêzîkî Derbendîxanê kir. Di dema vê êrîşê de bi hêzên Pêşmerge re li Qeredaxê şer kirin. Piştî du saetan ji şer û pevçûnan, Artêşa Iraqê rastî têkçûneke mezin hat û neçar ma ku paşve vekişe bo baregeha Derbendîxanê, herwiha ziyanên giran jî dîtin.
Ev şer di 26ê Kanûna Pêşîn a 1976an de li gundê Şarstînê yê dikeve bakurê rojavayê parêzgeha Silêmaniyê, di navbera hêzên Pêşmerge yên Herêma Duyem a Fermandariya Demkî ya Partî Dêmokratî Kurdistan û du fujên artêşa rejîmê de qewimî û bi vekişîna hêzên Pêşmerge ji gundê Şarstînê bi dawî bû.
Fermandey Heso Mehmûd Babekir, yê bi navê Heso Kanîlenjî tê naskirin, Pêşmergeyê Şoreşa Eylûlê, Şoreşa Gulanê û Raperînê bû, di sala 1959an de tevlî refên Pêşmerge bûye, xwediyê nîşana Barzanî yê Nemir e.
