Di koleksiyonê de bigere, bi kategorî, ziman, û dîroka weşanê parzûn bike.
1.361 encam
Piştî derbasbûna çend mehan li ser destpêkirina Şoreşa Eylûlê, hikûmeta Ebdulkerîm Qasim rêze êrîş û peyamar bo ser navçeyên di bin desthilata şoreşê de destpê kirin, bi çavsaxiya çekdarên kirêgirtî (cahş), lê Pêşmerge her carê li hember wan disekinî û êrîş û peyamarên wan têk dibirin. Dastana Batûfê ku di 21ê gulanê 1962 de qewimî, 45 rojan berdewam kir, di encamê de hikûmet bi barê kuştiyên efser û serbazan û bê destkeft paşve vekişiya.
Sala 1969 rêze êrîş û peyamarên hêza Pêşmerge bi xwe ve dît bo ser serbazgeh û wan cihan ku ji aliyê Artêşa Iraqê û hêzên ser bi Mekteba Siyasî ya kevin ve hatibûn dagirkirin. Peyamardana serbazgeha Dûkan ji aliyê hêza Pêşmerge ve di şeva 19-20ê eylûla 1969 de yek bû ji rêze wan helmetên ku Pêşmerge bi ser Artêşa Iraqê de sepand û karîn dest bi ser serbazgehê de bigirin, bo maweyekê jî tê de bimînin û ziyana canî û maddî ya mezin bigihînin wan.
Be'siyan ku ji bo cara duyem desthilata Îraqê girtin dest, yek ji planên wan ên şerxwazî dawîanîna bi Şoreşa Eylûlê bû. Ji bo pêkanîna karnameya xwe sala 1969 helmeteke berfireh a êrîş û peyamaran bo ser navçeyên Şoreşa Eylûlê dest pê kirin bi hevkari û piştgiriya tîma kevn a Mekteba Siyasî, lê serkirdatiya şoreşê bi plan û xwe-rêkxistineke xurt rûbirûyê wan bûn û tevahiya planên wan ên leşkerî pûç kirin.
Dastana Çiyayê Reş di destpêka meha Çiriya Paşîn a 1974 li Çiyayê Reş ê rojavayê bajarê Duhokê rû da, ji ber ku ew navçe di bin desthilata şoreşê de bû, çalakiyên Pêşmerge tê de berdewam bûn, bi taybetî topbarankirina qafileyên leşkerî. Artêşa Iraqê jî ji bo tepeserkirina deng û rengê şoreşê li wê navçeyê êrîşeke berbelav pêk anî, lê serkeftî nebû, belkî ziyaneke mezin a canî û madî dît.
Çalakiyeke partîzanî ya hêza Pêşmerge li dijî hêzên rejîma Beis e, hêzeke Pêşmerge ya Lijneya Navçeya Dihokê û rêxistinên Hurmiz Melik û Tahir Zêweyî di şeva 11 li ser 12ê Kanûna Yekem a 1983 êrîşî rebaya gundê Badê kirin, di demekê kurt de dest danîn ser û agir berdanê, tevahiya serbazan kuştin û çar ji wan jî dîl girtin, paşê cihê xwe hiştin.
Hebîb Keleş Elî Xalid, sala 1944 li gundê Batîfa yê ser bi qezaya Zaxo ji dayik bûye, sala 1962 peywendî bi Hêzên Pêşmergeyên Şoreşa Eylûlê kiriye, sala 1975 piştî nesko ya Şoreşa Eylûlê (1961- 1975) awareyê welatê Îranê bûye û li bajarê Nexede yê Rojhilatê Kurdistanê niştecî bûye, sala 1980 kargêrê lijneya navçeya Xebatê bûye, sala 1991 piştî raperîna cemawerî ya Kurdistanê, vegeriyaye Başûrê Kurdistanê, di 13ê meha cotmehê ya 1999 de madalyaya Barzanî jê re hatiye bexşîn.
Ev şer di encama êrîşeke berbelav a Artêşa Iraqê bi palpiştiya tank û top û firokeyên şer û caşan bo ser devera Sindya rû da, Hêzên Pêşmergeyên Kurdistanê bo parastina navçeyê ji rûxandin û wêrankariya gundan, di 5ê meha nîsanê ya 1987 de rûbirûyê hêzên hikûmetê bûn, encama şer bi serkeftina Hêzên Pêşmerge û şikestina hêzên Iraqî bi dawî hat.
Destana Şikefta Dekan di 18ê Tebaxa 1969an de di navbera hêza Pêşmerge û Artêşa Iraqê de qewimî, dema ku artêşa navborî bi piştgiriya çekdarên kirêgirtî (caş) û bi topbaran û firokeyên şer, êrîşeke leşkerî bir ser navçeya (Akrê - Şêxan). Di encama wê şerî de (66) welatiyên sivîl ên gundê Dekan ji pîr, seqet, jin û zarokan di nav Şikefta Dekan de şewitîn, xeniqîn û Şehîd bûn.
Şerê Beranşê çalakiyeke partîzanî ya hêza Pêşmerge bû li ser rêya sereke ya Çiyayê Beranşê nêzîkî gundê Girê Biê, di wê çalakiyê de hêzeke Pêşmergeyên navçeya Zaxo ya Partiya Dêmokrata Kurdistanê di 15ê Mijdara 1986 de kemînek li ser rêya sereke danîn, ji bo lêdana otomobîlên serbazî yên hêzên rejîma Beis a dagîrker.
Mihemed Yûsif Yûsif Ehmed, polîs bûye û endamê şaneya nihênî ya Partiya Dêmokrata Kurdistanê bûye, Pêşmergeyê Şoreşa Eylûlê bûye, di jiyana Pêşmergatiyê de pileya cîgirê serpel wergirtiye, di sala 1964 de di dastana Heybet Siltan de şehîd bûye.
Şerê Şivê rûbirûbûna hêza Pêşmerge û hêza çekdarên kirêgirtî yên rejîma Beis di 25ê Gulanê 1987ê de bû, ku bi mebesta wêrankirin û rûxandina gundê Şivê êrîş birin ser gund, hêza Pêşmerge jî li ber wan rabû û di heyama du saetên şer de hêza çekdarên kirêgirtî têk çûn û revîn, çar laşên xwe li meydanê şer hiştin.
Şerê Berosikê çalakiyeke din a hêza Pêşmerge bû li dijî dezgehên emniyên rejîma Beis, hêzeke Pêşmerge ya lijneya navçeya Dihokê bi fermandeyê Mihemed Murad, di yek ji şevên bihara 1983ê de li nav bajarê Dihokê kemînek danîn,
