Di koleksiyonê de bigere, bi kategorî, ziman, û dîroka weşanê parzûn bike.
1.361 encam
Mekteba Siyasî ya Partiya Demokrat a Kurdistanê di bersiva daxwaza Îbrahîm Ehmed, sekreterê partiyê, ji bo dijberiya Mistefa Barzanî, serokê Partiya Demokrat a Kurdistanê (PDK), Konferansa Mawatê organîze kir û li dar xist - Konferansa Mawatê ya Mekteba Siyasî ya Partiya Demokrat a Kurdistanê – Îraq – 9ê Nîsana 1964an, li gundê Mawatê.
Cebraîl Yehya Şelal, Pêşmerge û hevalê Barzanî li Yekîtiya Sovyetê, di sala 1921ê de li gundê Çê ji dayik bûye. Ew pêşmergeyekî wêrek û hevalekî Barzanî bû li Yekîtiya Sovyetê. Wî wekî Pêşmerge li Komara Kurdistanê ya li Mehabadê xizmet kiriye û beşdarî şoreşên Îlonê û Gulanê bûye. Mixabin, ew di sala 1983an de li Tehranê koça dawî kir.
Enwer Seîd Mistefa, naskirî bi (Enwerê Seîd Axa), sala 1955 li gundê Nawende yê qezaya Çoman a parêzgeha Hewlêrê ji dayik bûye, sala 1972 peywendî bi Hêzên Pêşmergeyên Şoreşa Eylûlê kiriye û di hêza Karox de bûye Pêşmerge, sala 1977 peywendî bi Tevgera Sosyalîst kiriye. Sala 1993 heta 1997 endamê kargêriya lîqa 10 a Partiya Dêmokrata Kurdistanê bûye. Sala 2018 madalyaya Barzanî yê nemir jê re hatiye bexşîn.
Hado Mihemed Perya (1920-1983), Pêşmerge û hevalê Barzanî bo Yekîtiya Sovyetê, beşdarî Şoreşa Eylûlê (1961-1975) bûye û pileya wî Serleq bûye.
Yek ji Çalakîyên hêza Pêşmerge ya sînorê lqa (1) ya devera Badînan di sala 1987 de, bi êrîşkirina ser yek ji rebayên leşkerî yên Artêşa Iraqê li nêzîkî bajarokê Şêladizê li ser Ava Zê ku di demekê kurt de dest danîn ser rebayê û tevahiya wan Serbazên ku li wê sengerê di erkê de bûn hatin kuştin, Pêşmergeyan jî bêyî ziyan cihê xwe bicîh hiştin.
Şerê Zembîlfiroş yek ji rûbirûbûnên Hêzên Pêşmergeyên Kurdistanê li gel artêşa rejîma Be's e. Di 22ê Adara 1980an de li devera Batûfa, hêzeke Pêşmerge li ser rêyeke serekî kemînek ji bo hêzeke leşkerî ya Artêşa Iraqê danî, di encamê de hêza artêşê ketin nava kemînê û ziyaneke zêde gihîşt wan. Di vê demê de hêzeke din a ser bi lîwaya Batûfayê ya Artêşa Iraqê ji bo piştevanî û hevkariya hêza têkşikestî gihîştin cihê bûyerê, bi gihîştina wan şer û pevçûneke dijwar di navbera hêza Pêşmerge û serbazên artêşê de ...
Ev destan di meha çiriya pêşîn a sala 1963ê de li Çemê Rêzan qewimî, Artêşa Iraqê bi piştgiriya hêzeke leşkerî ya dewleta Sûriyê êrîş birin ser Çemê Rêzan, piştî mehekê ji şer û pevçûnan hêzên Pêşmerge ji herêmê vekişiyan û hikûmetê dest danî ser, lê Pêşmerge bi şêwazê partîzanî şer berdewam kir û Artêşa Iraqê aciz kir, heta ku hikûmet neçar ma daxwaza gotûbêjê kir, di destpêka sala 1964ê de agirbest hat ragihandin.
Salih Mihemed Ebdullah (1928-1947), Pêşmerge û hevalê Barzanî bo Yekîtîya Sovyetê, beşdarî Şoreşa Duyemîn a Barzan (1943-1945) bûye û yek ji pêşmergeyên artêşa Komara Dêmokrata Kurdistanê li Mehabadê (1946) bûye.
Hacî Remezan Mihemed Elî nasraw bi (Hecî Xençer), sala 1952 li parêzgeha Dihokê ji dayik bûye, Mihemed Elî bapîrê wî ligel Şehîd Şêx Ebdulselam Şehîd bûne, sala 1965 û di temenê zarokatiyê de peywendî bi Hêzên Pêşmergeyên Şoreşa Eylûlê dike. Sala 1975 piştî nesko koçberî welatê Tirkiyeyê bûye, sala 1976 peywendî bi serkirdatiya demkî ya Partiya Dêmokrata Kurdistanê dike, ji hilgirên medalyaya Barzanî ye.
Ev şer di payîza 1968 li navçeya Qadirkerem di navbera Hêzên Pêşmergeyên Kurdistanê û çekdarên baskê Mekteba Siyasî ya kevin ku di wê demê de ser bi hikûmetê bûn û du fevcên Artêşa Iraqê (Mugawîr) bi piştevaniya tank, top, zirêpoş û firokeyên şer rû da, di encamê de hêza hikûmetê û çekdaran gelek bi dijwarî şikestin, ziyanên canî û madî yên zêde gihîştinê û navçe bi cih hêştin û paşvekişiyan heta gihîştin Kerkûkê.
Di dîroka 25ê gulanê 1981 de şerê Xêzava di navbera Hêzên Pêşmerge û artêşa Iraqê de qewimî. Dema ku hêzeke Pêşmerge ya ser bi Lijneya Navçeya Zaxo ve di gerokekê de (cûle) li gundên navçeya Batîfa ya devera Badînan bûn ji bo cîbicîkirina erka Pêşmergatiyê, li gundê Xêzava rastî hêzeke serbazî ya artêşa rejîma Beis hatin, piştî şerekî dijwar hêzeke din a ser bi Lîwaya Batîfa û Deşta Çiyê ya artêşa Iraqê ve ber bi cihê bûyerê ve ji bo piştgirî û alîkariya wê hêza ku bi Pêşmerge re di şer de bû, hatin.
Hemoyê Silêman Reşîd (1917-1968), Pêşmerge û hevalê Barzanî ji bo Yekîtiya Sovyetê, beşdarî Şoreşa Yekem a Barzan (1931-1932) û Şoreşa Duyemîn a Barzan (1943-1945) bûye, yek ji Pêşmergeyên artêşa Komara Dêmokrata Kurdistanê li Mehabadê bûye, beşdarî Şoreşa Eylûlê (1961-1975) bûye.
