Di koleksiyonê de bigere, bi kategorî, ziman, û dîroka weşanê parzûn bike.
55 encam
Silêman Ehmed Îsmaîl Umer, naskirî bi Silêman Ehmed Dolemerî, pêşmergeyê şoreşa Îlon û Gulan û raperînê bûye, sala 1967 di temenê 14 saliya xwe de peywendî bi hêza Pêşmergeyê Kurdistanê kiriye, roja 15ê Kanûna Yekem a sala 2010 di Kongreya sêzdehemîn de, ji ber xizmet û çalakiyên xwe ji aliyê serok Mesûd Barzanî ve medalyaya Barzanî jê re hatiye bexşîn.
Silêman Hadê Dîwalî, nasnavê wî Silêman Hadê Dolemerî ye, sala 1917an li gundê Bokranê yê nahiyeya Meznê ya qezaya Mêrgesorê ya parêzgeha Hewlêrê ji dayik bûye, sala 1943an tevlî rêzên Pêşmergeyên şoreşa duyem a Barzan bûye, sala 1961an tevlî hêza Pêşmergeyên Şoreşa Eylûlê bûye, Silêman Hadê Dîwalî Dolemerî ji sala 1963an heta 1975an pasevanê baregeha Barzanî yê nemir bûye, di 16ê Tebaxa 1996an de madalyaya Barzanî jê re hatiye bexşîn.
Şivan Mîrxan Badîn Dorî sala 1945 li gundê Dorê li navçeya Barzan ser bi qezaya Mêrgesorê ji dayik bûye, kurê Mîrxan Dorî ye ku beşdarî Şoreşa Barzan di (1943-1945) kiriye û yek ji hevalên Barzaniyê nemir di Komara Dêmokrata Kurdistanê de bûye û piştre di dema rûxandina Komara Kurdistanê di şerên navçeya Şino û bereya şer li Mergewer di 25ê adara 1947ê de Şehîd bûne, herwiha yek ji birayên wî bi navê Mela Mîrxan ligel Barzaniyê nemir çûye Rûsyayê.
Deşî Ziya Yûhena kurê qeşe Ziya sala 1952 li gundê Dirgniyê yê devera Nihêlê ser bi qezaya Amêdiyê ya parêzgeha Dihokê ji dayik bûye, bav û bapîrê wî beşdarî şoreşên yekemîn ên Barzan (1931-1932) û duyemîn ên Barzan sala (1943-1945) bûne, qeşe Ziyayê bavê wî ji peyrewên Barzanî û damezrînerê rêxistinên Partiya Dêmokrata Kurdistanê di nava xirîstiyanên devera Nihêlê de bûye û di dema hilgirsiya Şoreşa Eylûlê sala 1961ê de, navborî kadroyekî jêhatî bûye û mala xwe kiribû baregeha Pêşmerge.
Ehmed Mihemed Elî, sala 1942an li bajarê Kerkûkê ji dayik bûye, sala 1962an peywendî bi hêza Pêşmergeyê Şoreşa Îlonê kiriye, sala 1966an bûye serleq, sala 1979an peywendî bi hêza Pêşmergeyê Şoreşa Gulanê kiriye, du caran birîndar bûye, sala 1979an hatiye kirin berpirsiyarê lijneya navçeya Çemçemal. Di 16ê tebaxa 1996an de di Yûbîla Zêrîn a Partiya Dêmokrata Kurdistanê de, mîdalyaya Barzanî yê nemir jê re hatiye bexşîn.
Silêman Îsmaîl Cehangîr, sala 1927 li gundê Botya li parêzgeha Dihokê ji dayik bûye, sala 1959 peywendî bi rêzên Partiya Dêmokrata Kurdistanê kiriye, sala 1961 li sînorê lijneya navçeya Dihokê li Laqê yek (1) bûye kadir, sala 1967 pileya serqolê Pêşmergeyên lijneya navçeya Dihokê jê re hatiye spartin...
Celal Ebdulmihemed Xan, naskirî bi Celal Laweranî, sala 1936ê li gundê Laweran li parêzgeha Helebceyê ji dayik bûye, sala 1961ê peywendî bi Hêzên Pêşmergeyên Şoreşa Eylûlê kiriye, sala 1962ê hatiye kirin serpel li batalyona 6an a Bemoyê, sala 2000î pileya endamê Dezgeha Eylûlê li bajarê Silêmaniyê wergirtiye, di 16ê Tebaxa 1996ê de di Yûbîla Zêrîn a Partiya Dêmokrata Kurdistanê de Medalya Barzanî yê nemir jê re hatiye bexşîn.
Feqê Weso Ehmed Weso, sala 1947an li gundê Bawizê yê ser bi qezaya Qeladizê ji dayik bûye, sala 1961ê peywendî bi Hêzên Pêşmergeyên Şoreşa Eylûlê kiriye, sala 1975an piştî nesko ya Şoreşa Eylûlê awareyê welatê Îranê bûye, di 16ê Tebaxa 1996an de di Yûbîla Zêrîn a Partiya Dêmokrata Kurdistanê de, madalyaya Barzanî jê re hatiye bexşîn.
Amîne Xalid Emîn Mamend, di sala 1957an de li parêzgeha Silêmaniyê ji dayik bûye, di sala 1964an de tevlî rêzên Partiya Dêmokrata Kurdistanê bûye, di sala 1992an de bûye endama lîjneya navçeya Partiyê li Washingtonê, di sala 1998an de bûye berpirsiyara lîjneya rêxistina Washingtonê. Di 13ê çiriya pêşîna 1999an de Medalya Barzanî jê re hatiye bexşîn.
Resûl Husên naskirî bi Hacî Aẍayê Kosretan, sala 1901 li gundê Mêrgê yê ser bi nahiyeya Gelaleya qezaya Çomanê ya parêzgeha Hewlêrê ji dayik bûye. Beşdarî Komara Kurdistanê li Mehabadê kiriye, piştî rûxana komarê vegeriyaye gundê Zêwke li navçeya Pîranşarê ya Rojhilatê Kurdistanê û li mala xizmên xwe maye berî vegera Barzanî yê nemir ji Yekîtiya Sovyetê û bo Îraqê, beşdarî çend şerên dijî rejîma Îraqê û herwiha şerê sofiyên ser bi Şêx Reşîdê Lolaniyan bûye.
Ebdullah Hesen Îbrahîm, nasnavê wî (Şewket Hesko Dolemerî), sala 1963an li gundê Xoşkan a qezaya Mêrgesorê ya parêzgeha Hewlêrê ji dayik bûye. Di 9ê gulana 1980yî de peywendî bi Hêzên Pêşmergeyên Şoreşa Eylûlê re kiriye. Sala 2010an madalyaya Barzanî yê Nemir jê re hatiye bexşîn.
Xanemîr Mistefa Umer Baweyî, sala 1932 li gundê Bawe ya qezaya Mêrgesor a parêzgeha Hewlêrê ji dayik bûye. Sala 1961 peywendî bi Hêzên Pêşmergeyên Şoreşa Eylûlê kiriye. Sala 2010an midalyaya Barzanî yê nemir jê re hatiye bexşîn.
