Di koleksiyonê de bigere, bi kategorî, ziman, û dîroka weşanê parzûn bike.
55 encam
Ceifer Mistefa Me'rûf naskirî bi (Şêx Ceiferê Camanesûr), sala 1957an li gundê Serkanê yê navçeya Siroçkê ser bi nahiyeya Berzincê ya parêzgeha Silêmaniyê ji dayik bûye, sala 1970yî peywendî bi rêzên Yekîtiya Qutabiyên Kurdistanê kiriye, sala 1992an qeymeqamê Pêncwênê bûye, 1996an wek qeymeqamê Helebceya Şehîd hatiye destnîşankirin, salên 2003-2005an wek qeymeqamê bajarê Akrê di erkê de bûye.
Mihemed Ehmed Zeynel, bi navê Mito Stûnî tê naskirin, di sala 1924an de li gundê Stûnê li devera Herkî Binicî li nahiyeya Şêrwan Mezin li qezaya Mêrgesorê li devera Barzan di nav malbateke kurdperwer de ji dayik bûye û di xebata pêşmergatiyê de gelek pile û post wergirtine, di sala 2006an de koça dawî kiriye û li goristana Sardawê hatiye veşartin.
Îzet Silêman Beg Dergeleyî, nasnavê wî Mam Îzet Beg, sala 1932an li gundê Dergeleyê yê ser bi qezaya Rewandizê ya parêzgeha Hewlêrê ji dayik bûye, piştî ku Barzaniyan di encama şerê Meydan Morîk û nesko ya Şoreşa Eylûlê (1931-1932) de berê xwe dan Rojhilatê Kurdistanê, di roja 11ê îlona 1945an de Îzet Silêman Beg û malbata wî bi Barzaniyan re çûne Mehabadê.
Paul Maubec nasraw bi Chris Kutschera ji sala 1966an ve karê rojnamevanî kiriye, şarezayiyeke baş di Rojhilata Navîn û bi taybetî pirsa Kurd de hebû, di destpêka karê xwe de heta sala 1971an zêdetir ji 130 raportaj li ser pirsa Kurd di rojname, govarên Fransî û navneteweyî de belav kirine, sala 2010an di Kongreya 13an a Partiya Dêmokrata Kurdistanê de bi sedema wan xizmetên pêşkêşî Kurd û Kurdistanê kiribû, ji aliyê serok Mesûd Barzanî ve Mîdalyaya Barzanî ya Nemir pê hatiye bexşîn.
Mehmûd Mecîd Mehmûd Sûrçî nasraw bi (Mehmûd Gavan), di sala 1944an de li gundê Kelat ser bi nahyeya Bicîl, qezaya Akrê - parêzgeha Dihokê (Mûsilê kevn) ji dayik bûye.
Tahîr Mela Elî Muhemmed Rebatî sala 1950an li parêzgeha Helebceyê ji dayik bûye. Sala 1967an peywendî bi Hêzên Pêşmergeyên Şoreşa Eylûlê kiriye û bûye Pêşmerge. Piştî rêkeftina 11ê Adara 1970yî hatiye kirin pasewanê sînor. Sala 1973yan ji aliyê hikûmeta Îraqê ve hatiye girtin. Sala 1977an peywendî bi Şoreşa Gulanê kiriye. Roja 15ê Kanûna Pêşîn a 2010an Medalya Barzanî jê re hatiye bexşîn.
Behaedîn Mihemed Emîn nasnavê wî (Seyîd Behaedîn Îmamî), sala 1941 li gundê Laweran ser bi devera Helebceyê ji dayik bûye, sala 1961 peywendî bi Hêzên Pêşmergeyên Şoreşa Eylûlê kiriye û bûye Pêşmerge, sala 1966 hatiye kirin serpel, sala 1979 peywendî bi Şoreşa Gulanê kiriye, piştî raperîna sala 1991 vegeriyaye Başûrê Kurdistanê, di 16ê tebaxa 1996an de madalyaya Barzanî jê re hatiye bexşîn.
Derwêş Yûsif Reşîd Nimet Sindî naskirî bi (Erîf Derwêş), sala 1930 li gundê Avgenî li devera Zaxo ji dayik bûye, dema 10 salan di artêşa Îraqê de bûye, di sala 1961ê de peywendî bi Şoreşa Eylûlê re kiriye, sala 1970 hatiye kirin fermandeyê batalyona pasewanên sînor, sala 1975 piştî neskoya Şoreşa Eylûlê awareyê welatê Îranê bûye, sala 2008 pileya fermandeyê hêzê jê re hatiye dayîn, di 16ê tebaxa 1996an de madalyaya Barzanî jê re hatiye bexşîn.
Xalid Mihemed Îbrahîm Huseyn naskirî bi (Xalid Şilî), di sala 1943an de li parêzgeha Dihokê ji dayik bûye, sala 1962an peywendî bi Partiya Dêmokrata Kurdistanê dike û heman salê çûye rêza Pêşmergeyên Şoreşa Eylûlê, piştî nesko ya Şoreşa Eylûlê awareyê welatê Îranê bûye, beşdarî Şoreşa Gulanê kiriye, ligel raperîna sala 1991ê xelkê Kurdistanê vegeriyaye Başûrê Kurdistanê, sala 2004an berpirsiyarê Dezgeha Eylûlê li Akrê bûye, hilgirê medalyaya Barzanî bûye.
Xalid Hemîd Axa Bîrî, sala 1944 li gundê Bîrî yê devera Doskî ya Serû ser bi qezaya Amêdiyê ya parêzgeha Dihokê ji dayik bûye, sala 1961 bûye Pêşmerge, sala 1975 piştî nesko ya Şoreşa Eylûlê awareyê welatê Îranê bûye, sala 1979 peywendî bi Hêzên Pêşmergeyên Şoreşa Gulanê kiriye, sala 1991 vegeriyaye Başûrê Kurdistanê, di 16ê Tebaxa 1996an de mîdalyaya Barzanî jê re hatiye bexşîn, di 30ê Gulana 2012an de koça dawî kiriye.
Seîd Îsmaîl Ehmed Spîndarî, sala 1921 li gundê Spîndar li devera Berwarî Jêrî ser bi qezaya Amêdiyê ji dayik bûye, sala 1958 peywendî bi rêxistinên Partiya Dêmokrata Kurdistanê kiriye, sala 1961 bûye Pêşmerge, sala 1979 peywendî bi Hêzên Pêşmergeyên Şoreşa Gulanê kiriye, sala 1991 vegeriyaye Başûrê Kurdistanê, sala 1997 bûye endamê Dezgeha Eylûlê, di 16ê Tebaxa 1996an de madalyaya Barzanî jê re hatiye bexşîn, di 31ê Gulanê 2001ê de koça dawî kiriye.
Resûl Feqê Xoşnav sala 1932 li gundê (Gerûtê) li qezaya Şeqlawe ya parêzgeha Hewlêrê ji dayik bûye. Sala 1959 peywendî bi rêkxistinên Partiya Dêmokrata Kurdistanê re kiriye, bûye endamê lîjneya navçeya Şeqlawe. Sala 1979 peywendî bi Hêzên Pêşmerge yên Şoreşa Gulanê re kiriye. Sala 1994 hatiye kirin fermandeyê hêza Korêk li Pirmam, piştî damezrandina dezgeha Eylûlê, hatiye kirin cîgirê berpirsiyarê dezgehê. Di 16ê tebaxa 1993an de madalyaya Barzanî jê re hatiye bexşîn.
