ناسیح غه‌فور ڕەمه‌زان ، ناسراو به‌ ن. بێباك، ساڵی ١٩٦٤ په‌یوه‌ندی به‌ ڕیزه‌كانی پارتییه‌وه‌ كردووه، ساڵی ١٩٦٩ په‌یوه‌ندی به‌ ڕیزه‌كانی هێزی پێشمه‌رگه‌وه‌ له‌ سنووری چالاكی لێژنه‌ی لقی سێ پارتی دیموکراتی کوردستان كردووه‌...

ئەمین قادر ئەسعەد، ناسراو به‌ مامۆستا ئەمین، سیاسه‌تمه‌دار، ساڵی ١٩٧٦ په‌یوه‌ندی به‌ ڕیزه‌كانی بزووتنه‌وه‌ی سۆسیالیستی كوردستانه‌وه‌ كردووه‌، ساڵی ١٩٧٩ په‌یوه‌ندی به‌ ڕیزه‌كانی هێزی حزبی سۆسیالیستی كوردستانه‌وه‌ كردووه‌، ساڵی‌ ١٩٩٣ له‌ شاری هه‌ولێر له‌لایه‌ن نوێنه‌رانی كۆنگره‌ی یانزەیه‌م به‌‌‌ ئه‌ندامی یه‌ده‌گی كۆمیته‌ی ناوه‌ندی پارتی دیموكراتی كوردستان ـ یه‌كگرتوو هه‌ڵبژێردراوه‌‌، له‌ شه‌وی ٩ی ته‌موزی ١٩٩٧دا به‌ نه‌خۆشی كۆچی دوایی كردووه.

قادر کەریم مەحمود مستەفا، پێشمەرگەی شۆڕشی ئەیلوول بووە، لە ساڵی ١٩٧٤ دوای ڕووبەڕوو بوونەوە لەگەڵ سەربازانی ڕژێم و گواستنەوەی جەستەی هاوسەنگەرە شەهیدەکانی لە پشت ناحیەی عەربەت بەر مینی چێندراو کەوتووە و شەهید بووە

شەمسەدین محەمەد عوسمان، ناسراو به‌ پارێزه‌ر شه‌مسه‌دین موفتی و ئه‌میر قاسمی، ساڵی ١٩٥٣ سكرتێری یه‌كێتی قوتابیانی كوردستان (كۆنگره‌ی یه‌كه‌م) بووه‌، ساڵی ١٩٥٨ له‌ ستافی یه‌كه‌می لێژنه‌ی لقی دوو كارگێڕی لق بووه‌....

به‌ دامه‌زراندنی كۆماری كوردستان له‌ ساڵی ١٩٤٦دا ده‌بینین ئه‌و كۆماره‌ كوردییه‌ ڕووبه‌ڕووی كۆمه‌ڵێك كێشه‌ و ئاسته‌نگ ده‌بێت كه‌ له‌ لایه‌ن ئێران و هاوپێمانه‌كانی وه‌ك ئینگلیز و ئه‌مریكا كه‌ ئه‌و كاته‌ به‌ هۆی شەڕی نێوده‌وڵه‌تی دووه‌م له‌ ئێران بوون ...

حەمید موراد محەمەد، ناسراو به‌ عه‌ریف حەمید، حەمید به‌رواری، نه‌ورۆز و هه‌ڵۆی گه‌رمیان، ساڵی ١٩٥٥ په‌یوه‌ندی به‌ ڕیزه‌كانی پارتییه‌وه‌ كردووه‌، له‌ ڕێكه‌وتی ١٧ ته‌موزی ١٩٦١ له‌دوای ئاشكرابوونی چالاكی كوردایه‌تی له‌لایه‌ن ده‌زگای هه‌واڵگری له‌شكری دووی سوپای عێراقه‌وه‌ په‌یوه‌ندی به‌ ڕیزه‌كانی هێزی پێشمه‌رگه‌وه‌ كردووه‌، ساڵی ١٩٧٩ له‌لایه‌ن نوێنه‌رانی كۆنگره‌وه‌ به‌‌ ئه‌ندامی كۆمیته‌ی ناوه‌ندی پارتی دیموكراتی كوردستان (كۆنگره‌ی نۆیه‌م) هه‌ڵبژێردراوه

جەبار حەمەدئەمین ئەحمەد حەمەد ناسراوە بە (جەبار حاجی دۆشاو)، پێشمەرگەی شۆڕشی گوڵان بووە، دوای نسکۆی شۆڕشی ئه‌یلوول له‌گه‌ڵ بنەماڵەکەی ئاوارەی وڵاتی ئێران بوونە، پلەی ئەندامی لێژنه‌ ناوچەی شەقڵاوەی وەرگرتووە، لەلایەن ئەمنی شەقڵاوە وە دەستگیرکراووە و تائێستاش هیچ سۆراغێکی نیە و بێ سەروشوێنە .

شەڕی سێناوە و بەردینا لە هاوینى ساڵى ١٩٦٣ لە نێوان هێزى پێشمەرگەى کوردستان و سوپاى عێراق ڕوویدا بە پشتیوانى چەکى قورس و تۆپباران و بۆردومانى فڕۆکە لە ناوچەى سپیلکى ڕۆژئاواى شارۆچکەى خەلیفان، کاتێک کە حکومەتى عێراق هه‌وڵی دەستبەسەردا گرتنى دڤەرى بارزانى کرد، دواى شەڕێکى گەورە و شەهیدبوونى ٨ پێشمەرگە، بڕیار درا بە کشانەوەى هێزى پێشمەرگە لەو سەنگەرانەدا.

غەریب عارف رەسوڵ کەریم، پێشمەرگەی شۆڕشی گوڵان بووە، لە ژیانی پێشمەرگایەتی پلەی سەرپەلی وەرگرتووە، لە ساڵی ١٩٨٧ لە داستانی ئەحمەد ئاوا شەهید بووە.

کاتێک کە پێشمەرگە زاڵ بوو بەسەر قەڵا (قشلە)ى ڕایات لە ١٢ی تەمووزى ١٩٦٢ دەڤەرى باڵەکایەتى بە تەواوى بوو بە بەشێک لە ناوچەى ئازادکراوى شۆڕشى ئەیلوول، ئەگەرچى لە چەند ناوچەى جیاجیادا بەتایبەتى کوێستانەکانى دەوروبەرى چیاى هەڵگورد چەکدارانى بەکرێگیراو (جاش) ناوە ناوە دەردەکەوتن بەنیازى نانەوەى پەشێوى، بەڵام هەر زوو لەلایەن هێزى پێشمەرگەوە پەرت و بڵاو دەکران و لە ناوچەکە دوور دەخرانەوە.

برزوو جەعفەر ئەحمەد کەریم ناسراوە بە (برزوو دۆڵەسوری)، پێشمەرگەی شۆڕشی گوڵان و راپەرینە جەماوەریەکەی خەڵکی کوردستان بووە، لە ژیانی پێشمەرگایەتی پلەی فەرماندەی مەفرەزەی وەرگرتووە، لە ساڵی ١٩٩١ و لە ئازادکردنی شاری کەرکوک شەهید بووە.

سەلام کامل مەحمود عەلی، پێشمەرگەی شۆرشی گوڵان بووە، ساڵی ١٩٧٩ پەیوەندی بە رێکخستنەکانی پێنجوێنى پارتى دیموکراتى کوردستانەوە کردووە، ساڵی ١٩٨٢ پەیوەندی بە هێزەکانی پێشمەرگەوە کردووە، پلەی کارگێری ناوچەی پێنجوێنی وەرگرتووە و کارگێری بەشی سەربازی و دارایی بووە، ساڵی ١٩٨٧ لە شەری ئەحمدئاوا-سورێن شەهید دەبێت و لە گۆخڵان بە خاک دەسپێردرێت.