ئەم شەڕە لە هاوینى ساڵى ١٩٦٥ ڕوویدا لە چیاى کۆڕەک و ڕواندز و دەشتى دیانا، ئامانجى سەرکردایەتى شۆڕش لەو هێرشەدا دەستگرتن بوو بەسەر چیاى کۆڕەک و گەلى عەلى بەگ، وەک پەرچە کردارێک لە بەرامبەر هێرش و پەلامارەکانى سوپاى عێراق کە بەردەوام دەیکردە سەر زۆزک و هەندرێن و شوێنانى تر بۆ ئەوەى گوشار بخاتە سەر سەرکردایەتى شۆڕش لە ناوچەى باڵەکایەتى.
زانیاری زیاتر
ئەم داستانە لە ٣٠ى تشرینى یەکەمى ١٩٦٩ لە بەرزاییەکانى پشت گوندى گرتک و ماخۆبزنان لە نزیک سەنگەسەر ڕوویدا، هێزى پێشمەرگە بە فەرماندەى عومەر ئاغاى دۆلەمەرى، هێرشیان کردە سەر سوپاى عێراق و چەکدارانى بەکرێگیراو، لە ماویەکى کەمدا توانیان دەست بەسە ڕەبایەکاندا بگرن و زیانێکى گەورەى گیانى و ماددیان پێ بگەیەنن و دەست بەسەر ژمارەیەکى زۆر چەکى جۆراوجۆردا بگرن، هەروەها ستراتیژیەتى پلانیان هەڵوەشێننەوە کە بریتى بوو لە دەستگرتن بەسەر بارەگاى بارزانى لە دیلمان.
زانیاری زیاتر
ئەم داستانە بە فەرمانى سەرکردایەتى شۆڕش ئەنجام درا، بە سەرکردایەتى سامی عەبدولڕەحمان و چەند فەرماندەى تر، هەستان هەڵمەتێکى پێشمەرگەییان کردە سەر کۆمپانیاى نەوتى بابەگوڕگوڕ لە کەرکووک، دواى تەواوبوونى ئامادە کاریەکان لە ١ى ئادارى ١٩٦٩ دامەزراوەکانی کۆمپانیاى نەوتیان زۆر بە چڕى بە تۆپى ١٢٠ملم و ١٠٦ملم تۆپباران کرد، لە ماوەیەکى زوو ئاگر یان لە کارگەى تەرکیز هەڵسان و زیانى زۆر گەورەیان پێ گەیاند، پاشان هێزى پێشمەرگە فەرمانى کشانەوەی دا و بەبێ زیان گەڕانەوە بنکە و بارەگاکانیان.
زانیاری زیاتر
فهلهكهدین سابیر حهمود عهزیز، ناسراو به فەلەکەدین کاکەیی نووسهر و سیاسهتمهدار، ساڵی ١٩٦٥ پهیوهندی به ڕیزهكانی پارتییهوه كردووه، ساڵی ١٩٧٩و ١٩٨٩ له كۆنگرهكانی نۆیهم و دهیهم به ئهندامی کۆمیتەی ناوەندی پارتی دیموکراتی کوردستان ههڵبژێردراوه، له ساڵی ١٩٨٥ كراوته ئهندامی مهكتهبی سیاسی پارتی دیموکراتی کوردستان، ساڵی ١٩٩٢بووهته ئهندامی ئهنجوومهنی نیشتمانی كوردستان، ههڵگری مێدالیای بارزانیی نهمره.
زانیاری زیاتر
کۆتاییەکانى ساڵى ١٩٦٨ حکومەتى عێراق بە هاوکارى و هەماهەنگى چەکدارانى باڵى مەکتەبى سیاسى کۆن هەڵمەتێکى دژوارى گەورەیان بۆ سەر ناوچەکانى ژێر دەسەڵاتى شۆڕشى ئەیلوول دەستپێکرد، توانیان پانتاییەکى فراوانى جوگرافى لە ناوچەکانى گەرمیان و قەرەداغ داگیر بکەن، بەڵام سەرکردایەتى شۆڕش بۆ ئازادکردنەوەى ئەو ناوچانە هێرشێکى گشتگیرى ئەنجامدا لە تشرینى دووەمى ١٩٦٩ توانى دەست بەسەر قەرەداغ و چەند ناوچەیەکى دیکەدا بگرێتەوە و هێزەکانیان لەو شوێنانە دەرپەڕێنێ.
زانیاری زیاتر
ئەم شەڕە لە پایزى ١٩٦٨ لە ناوچەى قادرکەرەم لە نێوان هێزى پێشمەرگەى کوردستان و چەکدارانى باڵى مەکتەبی سیاسى کۆن کە لەو ماوەیەدا سەربە حکومەت بوون و دوو فەوجى سوپای مغاویرى حکومەت بە پاڵپشتى تانک و تۆپ و زرێپۆش و فڕۆکەى جەنگى ڕوویدا، لە ئەنجامدا هێزى حکومەت و چەکدارەکان زۆر بە سەختى شکان، زیانى گیانى و ماددى زۆریان بەر کەوت و ناوچەکەیان بەجێ هێشت و پاشەکشەیان کرد تا گەیشتنەوە کەرکووک.
زانیاری زیاتر
داستانى زەمبور چالاکییەکى پارتیزانى پێشمەرگە بوو لە تەمووزى ١٩٦٥ کە سەرکردایەتى شۆڕش پلانى بۆ داڕشت، بۆ ئەوەى لە قوڵایی هێز و دەسەڵاتى حکومەت لە کەرکووک لێدانێکى کاریگەر لە بەرژەوەندییە ئابوورییەکانى حکومەت بدرێ، دیارە چالاکییەکە وەکو پلانى بۆ داڕیژرابوو لە کات و شوێنى خۆیدا ئەنجامدرا، ئەمەش کاریگەرى و مەترسیەکى گەورەى لەسەر دامەزراوە نەوتییەکانى حکومەتى عێراق دروست کرد.
زانیاری زیاتر
ساڵى ١٩٦٩ زنجیرەیەک هێرش و پەلامارى هێزى پێشمەرگەى بە خۆوە بینی بۆ سەر سەربازگە و ئەو شوێنانەى کەوا لەلایەن سوپاى عێراق و هێزەکانى سەربە مەکتەبى سیاسى کۆن داگیر کرابوون، پەلاماردانى سەربازگەى دوکان لە لایەن هێزى پێشمەرگەوە لە شەوى ١٩-٢٠ ئەیلوولى ١٩٦٩ یەکێک بوو لە زنجیرەى ئەو هەڵمەتانەى کە پێشمەرگە بەسەر سوپاى عێراقیدا سەپاند و توانیان دەست بەسەر سەربازگەکەدا بگرن، بۆ ماوەیەکیش تێیدا بمێننەوە و زیانى گیانى و ماددى زۆریان پێ بگەیەنن.
زانیاری زیاتر
مامۆستا هاشم حهسهن ڕەشید حهسهن ناسراو به مامۆستا هاشم ئاکرەیی، ساڵی ١٩٤٦ پهیوهندی به ڕیزهكانی پارتی دیموکراتی کوردهوه كردووه، ساڵی ١٩٦٠ لهلایهن نوێنهرانی كۆنگرهوه به ئهندامی کۆمیتەی ناوەندی پارتی دیموکراتی کوردستان (کۆنگرەی پێنجەم) ههڵبژێردراوه، ساڵی ١٩٦٤ له یهكهمین كۆبوونهوهی کۆمیتەی ناوەندیدا له گوندی سهنگهسهری سهر به پارێزگای سلێمانی به ئهندامی مهكتهبی سیاسی ههڵبژێراوه.
زانیاری زیاتر
نوری ئەحمەد تەها عهبدوڵا ئاغا، ساڵی ١٩٤٦ له دهستهی دامهزرێنهرانی پارتی دیموکراتی کورد بووه، ساڵی ١٩٥٣ لهلایهن نوێنهرانی كۆنگرهوه به ئهندامی کۆمیتەی ناوەندی پارتی دیموکراتی کوردستان ـ عێراق (کۆنگرەی سێیەم) ههڵبژێردراوه، ساڵی ١٩٦١ پهیوهندی به ڕیزهكانی هێزی پێشمهرگهوه كردووه.
زانیاری زیاتر
فەڕەنسۆ تۆما كانون، ناسراو به فەڕانسۆ ههریری،مامۆستا و سیاسهتمهدار، ساڵی ١٩٦٣ پهیوهندی به ڕیزهكانی پارتی دیموکراتی کوردستان كردووه، لە ساڵی ١٩٦٩ دەبێتە بەرپرسی لێژنەی ناوچەی باڵەک سهربه لێژنه لقی دوو، ساڵی ١٩٧٩ له کۆنگرەی نۆیەم به ئهندامی یهدهگی کۆمیتەی ناوەندی، ساڵی١٩٩٢ بووهته ئهندامی ئهنجوومهنی نیشتمانی كوردستان، لە كۆنگرەكانی یانزدە و دوانزدە بە ئەندامی كۆمیتەی ناوەندی ھەڵبژێردراوه، ساڵی ١٩٩٦ كراوهته وهزیری ههرێم، ساڵی (١٩٩٦ - ٢٠٠١) پارێزگاری ههولێر بووه.
زانیاری زیاتر
یهكێكە لهو شهڕانهی كه هێزی پێشمهرگهی كۆمار له گهڵ سوپای ئێران ئهنجامی دا، شهڕێكه كه له گوندی قوڵته ڕوویدا و پێنج سهد كهس له سوپای لێ بوو، ژمارهی پێشمهرگهكانیش پێك هاتبوون لە ٢٠ كهس له هێزی مههاباد و چهكدارهكانی گهوركی و دیوی سهردهشت و سوێسنی، له گهڵ ئهو هێزهیش دهبینین كه له هێزی بارزانیش مستهفا خۆشناو لهو شهڕه بهشداری دهكهن...
زانیاری زیاتر
