كۆنگره‌ی سێزدەیەمی پارتی دیموكراتی كوردستان (پارتی دیموکراتی کوردستان - ١١ی كانوونی یه‌كه‌می ٢٠١٠ )دوای ڕووخانی ڕژێمی به‌عسی ده‌سه‌ڵاتدار له‌ عێراق ساڵی ٢٠٠٣ و گۆڕانكاری گه‌وره‌ی سیاسی له‌ عێراق و هه‌رێمی كوردستان، له‌ كه‌شێكی ئاسایی له‌ شاری هه‌ولێری پایته‌ختی هه‌رێمی كوردستان ئه‌نجامدرا.

كۆنگره‌ی یه‌كه‌م یاخود (دامه‌زراندن)ی پارتی دیموكراتی كوردستان - (پارتی دیموكراتی كوردی عێراق - ١٦ی ئابی ١٩٤٦)، له‌سه‌ر ڕاسپارده‌ی ژه‌نه‌راڵ مسته‌فا بارزانی له‌ بەغدا بە ئاماده‌بوونی ٧٠ نوێنەر له‌ كه‌سایه‌تییه‌كانی‌ كوردی باشووری كوردستان، به‌شێوه‌یه‌كی نهێنی به‌سترا و تێیدا دامه‌زراندنی پارتێكی سیاسی نوێ له‌ باشووری كوردستان ڕاگه‌یه‌نرا.

عومەر مستەفا، ناسراو به‌ عومەر دەبابە، یاساناس، فه‌رمانده‌ و سیاسه‌تمه‌دار، ساڵی ١٩٤٨ له‌ به‌غدا په‌یوه‌ندی به‌ ڕیزه‌كانی پارتی دیموكراتی كورده‌وه‌ کردووە، له‌ كۆنگره‌ی دووه‌م و سێیەم و چوارەم و پێنجەم بووەته‌ ئه‌ندامی كۆمیته‌ی ناوه‌ندی پارتی دیموكراتی كوردستان، له‌ ساڵی ١٩٦٤ له‌ ڕیزه‌كانی پارتی دیموكراتی كوردستان دوورخرایه‌وه‌،له‌ ساڵی ١٩٩٢ له‌ شاری سلێمانی‌ كۆچی دوایی كردووە.

ساڵح عومەر حاجى (١٩١٥-١٩٩٣)، ناسراو بە ساڵح پالانى، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) و شۆڕشی گوڵان (١٩٧٦-١٩٩١) کردووە.

فاتیح محەمەد ئەمین مورته‌زا، ناسراو به‌ فاتیح محەمەد ئەمین به‌گ، فاتیح سیامه‌نسووری و بروسك، مامۆستا و سیاسه‌تمه‌دار، ساڵی ١٩٦٤ له‌ كۆنگره‌ی شەشەم‌ به‌ ئه‌ندامی كۆمیته‌ی ناوه‌ندی پارتی دیموكراتی كوردستان هه‌ڵبژێردراوه‌، ساڵانی ( ٢٠٠١ -٢٠٠٥ )بووه‌ته‌ ئه‌ندامی ئه‌نجوومه‌نی نیشتمانی كوردستان، ساڵی ٢٠٢٠ كۆچی دوایی كردووه‌.

ساڵح خانۆ عوسمان (١٩١٨-٢٠١٠)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی ئەیلوول (١٩٦١-١٩٧٥) و شۆڕشى گوڵان (١٩٧٦-١٩٩١) کردووە.

ساڵح تاهیر خەزیران (١٩٢٧ -١٩٨٣)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی دووەمی بارزان (١٩٤٣-١٩٤٥) کردووە و یەکێک بووە لە پێشمەرگەی سوپای کۆماری دیموکراتی کوردستان لە مەهاباد (١٩٤٦)، بەشداری شۆڕشی ئەیلوول (١٩٦١-١٩٧٥) کردووە و جێگرى سەرلق بووە.

ساڵح حەسەن تەمەر (١٩٢٥-١٩٧٥)، پێشمەرگە و هەڤاڵى بارزانى بۆ یەکێتى سۆڤیەت، بەشداری شۆڕشی ئەیلوول (١٩٦١-١٩٧٥) کردووە.

سادق سلێمان عوسمان (١٩١٥-١٩٦٠ )، پێشمەرگە و هەڤاڵى بارزانى بۆ یەکێتى سۆڤیەت بووە.

محەمەد خورشید تۆفیق، له‌ ٢٨ی ئازاری ١٩٨٦ بۆ یه‌كه‌م جار په‌یوه‌ندی به‌ڕیزه‌كانی هێزی پێشمه‌رگه‌ی شۆڕشی گوڵان كردووه‌، له‌ كۆنگره‌ی چوارده‌م به‌ ئه‌ندامی یه‌ده‌گی كۆمیته‌ی ناوه‌ندی پارتی دیموكراتی كوردستان هه‌ڵبژێردراوه‌، له‌ ٣ی شوباتی ٢٠٢٣ پۆستی جێگری به‌رپرسی مه‌كته‌بی ڕێكخستنی كه‌ركووك-گه‌رمیانی وه‌رگرتووه‌.

عومەر شەریف عه‌بدوڵا، ناسراو به‌ عومەر زه‌نگه‌نه، فه‌رمانده‌ و سیاسه‌تمه‌دار، ساڵی ١٩٥٨ په‌یوه‌ندی به‌ ڕیزه‌كانی یه‌كێتی قوتابیانی كوردستان‌ و ڕیزه‌كانی پارتییه‌وه‌ كردووه‌، ساڵی ١٩٦٤ له‌ كۆنگره‌ی شه‌شه‌م بووه‌ته‌ ئه‌ندامی كۆمیته‌ی ناوه‌ندی پارتی دیموكراتی كوردستان و له‌لایه‌ن سه‌رۆك مستەفا بارزانی پاڵێوراوه‌.

ئەم داستانە لە ٢٠ى ئابى ١٩٧٤ لە چیاى كێوەڕەش ڕوویدا، کاتێک کە سوپاى عێراق دەستى بەسەر شارى ڕانیەدا گرت نەخشە داگیرکردنى کێوە بەرزەکانیشى خستە پلانى هێرش و داگیرکارییەکانى، کە شوێنى هێڵى بەرگرى پێشمەرگە بوون، لەم هێرشەدا سوپاى عێراق توانى دەست بەسەر زۆربەى کێوەکەدا بگرێت و ڕەبایە و مۆڵگەى سەربازى لێ دابمەزرێنێ.