قادر عەبدولکەریم ئەڵماس ناسراوە بە قالەی ماینجان، پێشمەرگەی شۆڕشی ئەیلوول بووە، یەکێک بووە لە پێشمەرگە سەرەتاییەکانی تیپی هەورامان، ساڵی ١٩٦٣ لە چەمی وەزەنیە لە دەڤەری هەورامان چەند تۆپێک لە ناو سەنگەری پێشمەگەری داوە و شەهید بووە.

قادر زامن ئەڵامڕاد ناسراوە بە وەستا قادر، پێشمەرگەی هەردوو شۆڕشی ئەیلوول و شۆڕشی گوڵان بووە، لە دوای نسکۆی شۆڕشی ئەیلوول ئاوارەی وڵاتی ئێران بووە، لە ژیانی پێشمەرگایەتی یەکجار بریندار بووە، ساڵی ١٩٨١ لە داستانی چیای شەرام گوله‌ بەر سەری کەوتووە و شەهید بووە.

محەمەد ئەمین محەمەد، پێشمەرگەی شۆڕشی ئەیلوول و ڕاپەڕینە جەماوەریەکەی خەڵکی کوردستان بووە، لە دوای نسکۆی شۆڕشی ئەیلوول ئاوارە وڵاتی ئێران بووە و دواتر بۆ خوارووی عێراق ڕاگوازراوه‌، ساڵی ١٩٩١ لە نزیک قەزای خانەقین کەوتوونەتە بۆسەی هێزی موجاهدینی خەڵق و شەهید بوونە، یەکیکە لەو شەهیدانەی کە گۆڕی نادیارە.

یونس عەلی لەتیف‌ئەڵا، پێشمەرگەی هەردوو شۆڕشی ئەیلوول و شۆڕشی گوڵان بووە، دوای نسکۆی شۆڕشی ئه‌یلوول ئاوارەی وڵاتی ئێران بووە، لە شۆڕشی ئەیلوول پلەی سەرلق و لە شۆڕشی گوڵان پلەی فەرماندەی مەفرەزەی وەرگرتووە، ساڵی ١٩٨١ لە گوندی خێڵی حەمەی دەشتی شارەزوور لەلایەن سەرباز و جاشی ڕژێمی بەعسەوە دەستگیر کراووه‌ و بێ سەروو شوێن كراوه‌، یەکێکە لەو شەهیدانەی کە گۆریان نادیارە.

وەهاب عەلی ڕەحمان جوامێر، پێشمەرگەی شۆڕشی گوڵان و ڕاپەڕینە جەماوەریەکەی خەڵکی کوردستان بووە، لە ته‌مه‌نی پێشمەرگایەتی دووجار بریندار بووە و پلەی فەرماندەی کەرتی وەرگرتووە، ساڵی ١٩٩١ لە ئازادکردنی شاری کەرکوک و لەناو سەربازگەی خالید گوله‌ی بەرکەتووە و شەهید بووە، جەستەی بەجێ ماوە و یەکێکە لەو شەهیدانەی کە گۆڕی نادیارە.

محەمەد ئەمین مەحمود، کادری ڕێکخستنه‌ نهێنیه‌كانی پارتی دیموکراتی کوردستان بووە، ساڵی ١٩٩١ پێشمەرگەی ڕاپەڕینە جەماوەریەکەی خەڵکی کوردستان بووە، هه‌مان ساڵ لە دەڤەری گەرمیان کەوتوونەتە بۆسەی سوپای ڕژێمی بەعس و محەمەد ئەمین مەحمود بە برینداری بێ سەرووشوێن بووە و هیچ سۆڕاغێکی نیە، یەکێکە لەو شەهیدانەی کە گۆڕی نادیارە.

شەهید مەنسوڕ شەریف عەبدوڵا، پێشمەرگەی شۆڕشی ئەیلوول بووە، لە ساڵی ١٩٧٤ لە چیای زۆزک شەهید بووە.

هیوا محەمەد‌عەلی فەتاح، پێشمەرگەی شۆڕشی گوڵان و ڕاپەڕینە جەماوەریەکەی ساڵی ١٩٩١ی خەڵکی کوردستان بووە، ساڵی ١٩٩١ لە ئازادکردنی شاری کەرکوک و لەناو سەربازگەی خالید فیشەکی بەرکەتووە و شەهید بووە، ته‌رمه‌كه‌ی بەجێ ماوە و یەکێکە لەو شەهیدانەی کە گۆڕی نادیارە.

ئەحمەد مەولوود مەحمود، پێشمەرگەی شۆڕشی ئەیلوول بووە، لە ته‌مه‌نی پێشمەرگایەتی یەکجار بریندار بووە، پلەی بەرپرسی گرتووخانەی شۆڕشی وەرگرتووە، ساڵی ١٩٦٩ لە نزیک هەڵەبجە لەگەڵ دوو هاوسەنگەری کەوتوونەتە بۆسەی سوپای ڕژێمی ئەوکاتی عێراق و شەهید بوونە.

ئەحمەد توفیق عەبدولقادر، پێشمەرگەی هەردوو شۆڕشی ئەیلوول و شۆڕشی گوڵان بووە، لە ته‌مه‌نی پێشمەرگایەتی یەکجار بریندار بووە، ساڵی ١٩٨١ لەناو شاری هەڵەبجە کەوتۆتە بۆسەی جاشەکانی ڕژێمی بەعس و شەهید بووە.

ئەحمەد عەلی ئەحمەد، پێشمەرگەی هەردوو شۆڕشی ئەیلوول و شۆڕشی گوڵان بووە، دوای نسکۆی شۆڕشی ئەیلوول ئاوارەی وڵاتی ئێران بووە، ساڵی ١٩٨٣ چەند تۆپێکی تۆپخانەکانی ڕژێمی بەعس بەر سەنگەری پێشمەرگە لە کەرەجاڵی دەڤەری هەورامان کەوتووە و سەید ئەحمەد شەهید بووە

ئەحمەد عەلی ئەحمەد، پێشمەرگەی شۆڕشی گوڵان بووە، لە ته‌مه‌نی پێشمەرگایەتی سێ جار بریندار بووە، پلەی فەرماندەی بەتالیۆنی وەرگرتووە، ساڵی ١٩٨٧ لە رووبەڕوو بوونەوەی سوپای ڕژێمی بەعس لە چیای زەردەی دەڤەری قەرەداغ شەهید بووە.