چالاکییەکى هێزى پێشمەرگەى کوردستانە لە نزیک گوندى بانەسوورى دەوروبەرى دهۆک لە دەڤەرى بادینان، کاتێک کە هێزێکى پێشمەرگەى سەربە ڕێکخراوى ڕێنجبەران بۆسەیەکیان لەسەر جاددەى سەرەکى مانگێشکێ دانایەوە، ئۆتۆمبێلێکى چەکدارانى بەکرێگیراو(جاش) کەوتە بۆسەکەوە و بە ماوەیەکى کەم دەستى بەسەردا گیرا و تەواوى سەرنشینانى کوژران و دەست بەسەر تەواوى چەکەکانیاندا گرت.

محەمەد عەوڵا لە ساڵی ١٩٤٢ لە گوندی سیقوجانی سەربە ناحیەی دیبەگەی دەڤەری کەندێناوەی قەزای مەخمور لە دایکبووە. ساڵی ١٩٦٨ پەیوەندى بە هێزى پێشمەرگەى شۆڕشی ئەیلوول کردووە. لە کۆتاییەکانی مانگی ٧ی ١٩٧٤ دواى دەسگیرکردنی سزای لە سێدارەدانی سەربازی بۆ دەرچووە و لە سێدارە دراوە و شەهید بووە.

موحسین یاسین لە ساڵی ١٩٥٤ لە گوندی پیربووبی سەربە ناحیەی زێلکانی قەزای شێخانی دەڤەری بادینان لە دایکبووە. ساڵی ١٩٧٦ پەیوەندى بەهێزى پێشمەرگەى شۆڕشی گوڵان کردووە. ساڵی ١٩٨٣ شەهید کراوە.

عوسمان خورشید، ساڵی ١٩٣٤ لە گوندی کۆرەکی گچکەی سەربە ناحیەی کەسنەزانی قەزای بنەسڵاوەی پارێزگای هەولێر لە دایکبووە، ساڵی ١٩٦٢ پەیوەندى بە هێزى پێشمەرگەى شۆڕشى ئەیلوول کردووە بۆتە پێشمەرگە، ساڵی ١٩٧٥ دواى نسکۆی شۆڕشی ئەیلوول ئاوارەی وڵاتی ئێران بووە، لە ٣٠ی تەموزی ١٩٨٨ لەلایەن سەربازانى سوپاى عێراق شەهید کراوە.

دوای ئه‌وه‌ی ‌بارزانییه‌كان له‌ ساڵی ١٩٣٩ لە باشووری عێراقەوە ده‌گوازرێنه‌وه‌ سلێمانی، له‌ جیاتی ئه‌وه‌ی‌ بارودۆخی ژیانیان باشتر بێت، به‌ڵام بەهۆی هەڵوێستی شێخ مسته‌فا قه‌ره‌داغی، موته‌سه‌ریفی ئه‌وكاتی سلێمانی بارودۆخی گوزەرانیان خراپتر بوو، چونکە ناوبراو ڕێگای به‌ خه‌ڵكی شاری سلێمانی نەدەدا یارمه‌تییان بده‌ن.

شێخ حەمەدەمین عوسمان عەبدوڵا، ناسراوە بە (عەریف شێخە)، ساڵى ١٩٢٥ لە گوندى ڕوستێى قەزاى چۆمان لەدایک بووە، ساڵی ١٩٦٣ پەیوەندى بە هێزى پێشمەرگەى شۆڕشى ئەیلوول کردووە، ساڵی ١٩٧٧ پەیوەندى بەهێزى پێشمەرگەى شۆڕشی گوڵان کردوەتەوە، ساڵى ١٩٧٧ شەهید کراوە.

ڕەسوڵ حسێن لە ساڵی ١٩٥٤ لە گوندى ڕۆستێ لە دایکبووە، ساڵى ١٩٨٢ پەیوەندى بەهێزى پێشمەرگەى شۆڕشى گوڵان کردووە، لە ساڵی ١٩٨٥ پلەی فەرماندەی مەفرەزەی وەرگرتووە کە هەر سەربە لێژنە ناوچەی باڵەک بووە. ساڵى ١٩٩٠ شەهید کراوە.

جەمال ئەفنەس، ساڵی ١٩٥٣ لە شاری هەولێر لە دایکبووە، ساڵی ١٩٨٣ پەیوەندى بە هێزى پێشمەرگەى شۆڕشى گوڵان کردووە، ساڵی ١٩٩١ بەشدارى ڕاپەڕینە جەماوەرییەکەی خەڵکی کوردستانى کردووە. لە ٣١ی ئاداری١٩٩١ شەهید بووە.

شێخەڵا ئیبراهیم شێخەڵا، ساڵى ١٩٤٩ لە پارێزگای هەولێر لەدایک بووە، ساڵی ١٩٦٤ وەک پێشمەرگە چووتە ڕیزی شۆڕشی، ساڵى ١٩٨٠ پەیوەندى بەهێزى پێشمەرگەى شۆڕشى گوڵان کردووەتەوە، ساڵى١٩٩٢ بریکارى وەزارەتی کشتوکاڵ و ئاودێرى بووە. ساڵى ٢٠٠٥ ئەندامى پەرلەمانى کوردستان بووە، هەڵگری مەدالیای بارزانی یە.

شەڕى گەلنازکێ ڕووبەڕووبوونەوەى هێزى پێشمەرگە لەگەڵ هێزێکى گەورەى سوپاى عێراق و چەکدارانى بەکرێگیراو بوو، بە پاڵپشتى تانک و تۆپ و فڕۆکەى جەنگى لە ٢٤ ئابى ١٩٨٤، لە ئەنجامى هێرشێک کە حکومەتى بەعس کردیە سەر چەند ناوچەیەکى زاخۆ لە دەڤەرى بادینان، دواى هەشت ڕۆژ هێرش و پەلامارى بەردەوام، هێزەکانى حکومەت دووچارى شکستى گەورە بوون و زیانێکى زۆرى گیانى و ماددیان پێگەیشت.

ئەمەی بەردەستت لەلایەن سەعید کاکی ئامادەکراوە کە لەبنەڕەتەوە وتووێژێکە دە ساڵ لەمەوپێش لە لایەن کاک بێهروزی ڕەحیمییەوە وەریگێڕدراوە، بەڵام دەرفەتی بۆ نەڕەخساوە لە چاپی بدات، لە دیدارێکمدا لەگەڵیدا، وتی منیش وتارێکم هەیە لەبارەی شۆڕشی بارزانییەکان کە گفتوگۆیەکە لەگەڵ مورتەزا زەڕبەخت کە خۆی شایەدحاڵی خەباتی بارزانییەکان بووە و لەگەڵیاندا ژیاوە، دواتر گوتی نەخشەی ڕێپێوانەکانی ژەنەڕاڵ بارزانیشم هەیە، تەنانەت مامۆستایەکم پەیدا کرد و ناوی ئەو گوندانەی بارزانییەکان پێدا ڕۆیشتوون...

عەبدوڵا دەروێش عەلی، ناسراو بە (عەبدوڵا دەروێش ئەرەدنی)، ساڵی ١٩٤٥ لە دهۆک لەدایک بووە، ساڵی ١٩٦١ پەیوەندی بە هێزى پێشمەرگەى شۆڕشی ئەیلوول کردووە، ساڵی ١٩٧٩ پەیوەندى بەهێزى پێشمەرگەى شۆڕشى گوڵان کردووەتەوە. هەڵگری مەدالیای بارزانی یە.