سەلیم حسێن حاجی مستەفا ڕەزاق، لەساڵی ١٩٨٠ پەیوەندی بە ڕیزەکانی پارتی دیموکراتی کوردستان دەکات، ساڵی ١٩٩١ لە ئازادکردنی شاری هەولێر، لە کۆمەڵگای شاوەیس لەلایەن سوپای عێراق شەهید دەکرێت.

سەعید حەسەن سەعید ناسراو بە سەعید حەسەن بەگ، ساڵی ١٩٩١ پەیوەندی بە ڕیزەکانی پارتی دیموکراتی کوردستانەوە کردووە، لە ڕۆژی ١٦ی ئایاری ١٩٩٧ لەشەڕی بەرگریکردن لە سەروەری یاسا لە چیای دێل لە سیدەکان لەلایەن چەکدارانی پەکەکەوە شەهید کراوە.

سەعید جەوهەر کوردۆ، ساڵی ١٩٩١ پەیوەندی بە ڕیزەکانی پارتی دیموکراتی کوردستانەوە کردووە، لە ڕۆژی ٧ی تشرینی دووەمی ساڵی ١٩٩٧ لە شەڕی بەرگریکردن لە سەروەری یاسا لە سیدەکان بەدەستی چەکدارانی پەکەکە شەهید بووە.

ساڵح محەمەد عەبدولکەریم محەمەد ناسراو بە شاخەوان، لەساڵی ١٩٧٩ پەیوەندی بە ڕیزەکانی پارتی دیموکراتی کوردستان دەکات، لە ١٧ی شوباتی ساڵی ١٩٨٥، لە بەندیخانەی ئەبوغرێب لەلایەن ڕژێمی بەعسەوە لەسێدارە دراوە.

ساڵح ڕەشۆ شەمزین، ساڵی ١٩٩١ دواى ڕاپەڕینى جەماوەرى باشوورى کوردستان، پەیوەندی بە ڕیزەکانی پارتی دیموکراتی کوردستان دەکات، لە ڕۆژی ١٩ی تەمموزی ١٩٩٧ لە چیای ڕۆبی و ڕواڵ لە شەڕی بەرگریکردن لە سەروەری یاسا بەدەستی چەکدارانی پەکەکە شەهید بووە.

سالار محەمەد عەبدولکەریم محەمەد، ساڵی ١٩٨٤ پەیوەندی بە ڕیزەکانی پارتی دیموکراتی کوردستان دەکات، لە ئابی ساڵی ١٩٨٥، لەلایەن دەزگاکانی ڕژێمی بەعسەوە دەستگیر دەکرێت، یەکێکە لەو شەهیدانەى گۆڕى نادیارە.

ڕزگار عەبدوڵا قادر داود، ساڵی ١٩٩١ پەیوەندی بە ڕیزەکانی پارتی دیموکراتی کوردستان دەکات، لەهەمان ساڵدا لە ڕاپەڕینەکەی باشووری کوردستان لە شارۆچکەی قەرەهەنجیر شەهید بووە.

خدر حسێن خدر، ساڵی ١٩٩٢ پەیوەندی بە ڕێکخستنەکانى پارتی دیموکراتی کوردستان کردووە، لە ڕۆژی ٢١ی کانونی یەکەمی ساڵی ١٩٩٧ لە شیوەڕەشی حاجی ئۆمەران لە شەڕی بەرگریکردن لە سەروەری یاسا لەلایەن چەکدارانی پەکەکە شەهید کراوە.

حەوێز مەولود خدر عەبدوڵا، ساڵی ١٩٩١ دواى راپەڕینى جەماوەرى کوردستان، پەیوەندی بە ڕیزەکانی پارتی دیموکراتی کوردستان کردووە، لەساڵی ١٩٩٧ لە شەڕی بەرگریکردن لە سەروەری یاسا لە چیای گۆجاڕ بە گوللەی چەکدارانی پەکەکە شەهید بووە.

کەمال عەباس حەسەن، ساڵی ١٩٦٩ پەیوەندی بە ڕیزەکانی شۆڕشی ئەیلوول کردووە، دوای نسکۆی شۆڕشی ئەیلوول ئاوارەی وەڵاتی ئێران بووە، بەشداری شۆڕشی گوڵان کردووە، ساڵی ٢٠٢٢ مەدالیای بارزانی نەمری پێ بەخشراوە.

لێدانى ڕەبایەى گردى بیێ چالاکییەکى هێزى پێشمەرگەى کوردستان بوو دژ بە هێزى سەربازی ڕژێمى بەعس، لە ٢٨ی ئابی١٩٨٥ هێزێکى پێشمەرگەى سەربە لێژنەى ناوچەى زاخۆى پارتى دیموکراتى کوردستان، هێرشیان کردە سەر بنکەى سەربازى گردی بیێ لە ناوچەى گولیاى دەڤەرى بادینا، بەڵام نەیانتوانى دەستى بەسەردا بگرن بەهۆى بوونى مینێکى زۆر لە دەوروبەری ڕەبایەکە و تەقینەوەی بە ژمارەیەک پێشمەرگەدا، زیانى زۆرى پێگەیاندن لە شەهید و بریندار، بەو هۆیەوە دەستیان لە گرتنى ڕەبایەکە هەڵگرت و تەرمى شەهید و بریندارەکانیان دەربازکردن.

لێدانى ڕەبایەى شکێرا چالاکییەکى هێزى پێشمەرگەى کوردستان بوو دژ بە هێزى چەکدارانى بەکرێگیراو (جاش)، لە ١٩ى کانوونى دووەمى ١٩٨٦ هێزێکى پێشمەرگەى ڕێکخراوەکانى سەر بە لێژنەى ناوچەى زاخۆى پارتى دیموکراتى کوردستان هێرشیان کردە سەر ڕەبایەى شکێرا لە ناوچەى گولی دەڤەرى بادینان، توانیان دەست بەسەر ڕەبایەدا بگرن و زیانێکى زۆرى گیانى و ماددى بە چەکدارانى بەکرێگیراو بگەیەنن.